ઉત્તર કોરિયાએ મલ્ટીપલ રોકેટ લોન્ચર સિસ્ટમનું પરીક્ષણ કર્યું છે. શનિવારે ઉત્તર કોરિયા તરફથી જાણકારી આપવામાં આવી છે કે એમના સર્વોચ્ચ નેતા કિમ જોંગ ઉનની દેખરેખમાં એક દિવસ પહેલા જ શુક્રવારે આધુનિક રૂપે નવી વિકસિત રોકેટ સિસ્ટમનું પરીક્ષણ કર્યું છે. સરકારી મીડિયાના માધ્યમથી આ જાણકારી ઉત્તર કોરિયા આપી છે.
પ્યોંગયાંગની સરકારી સમાચાર એજન્સી, કેસીએનએએ એક રિપોર્ટમાં બતાવ્યું છે કે રોકેટ લોન્ચર સિસ્ટમ, નવી ટેક્નિકથી વિકસિત છે જે લાર્જ-કેલિબર મલ્ટીપલ લોન્ચ ગાઇડેડ સિસ્ટમની ક્ષમતાઓથી લેસ છે. શુક્રવારે આ મલ્ટીપલ રોકેટ લોન્ચર સિસ્ટમનું પરીક્ષણ તેના ફ્લાઇંગ કંટ્રોલ એબિલિટી, ટ્રેક કંટ્રોલ એબિલિટી અને મારક ક્ષમતા વગેરેના આંકલન કરવાના ઉદ્દેશ્યથી કરવામાં આવ્યું.
જ્યારે યોનહાપ સમાચાર એજન્સી કેસીએનએની એક રિપોર્ટના હવાલાથી બતાવ્યું છે કે કિમ જોન્ગે આ રોકેટ લોન્ચર સિસ્ટમના પરીક્ષણના પરિણામો પર સંતોષ વ્યક્ત કર્યો છે. કેસીએનએની રિપોર્ટ ત્યારે આવી છે જ્યારે ઉત્તર કોરિયાએ આ સપ્તાહે પોતાના સાઉથ હેમગ્યોન પ્રાંતના યોંગહંગ પાસેના પૂર્વી સાગરમાં બે પરીક્ષણ કર્યા છે. જેમા સિયોલે પણ આ પરીક્ષણો પર પોતાની પ્રતિક્રિયા આપતા આશંકા દર્શાવી હતી કે આ ઓછા અંતરની બેલેસ્ટિક મિસાઇલોનું પરીક્ષણ હોઇ શકે છે.
ઉત્તર કોરિયામાં એક કમ્યુનિસ્ટ તાનાશાહ સરકાર છે જેના વડા કિમ જોંગ ઉન છે. દુનિયામાં કિમ જોંગની છબી એક સનકી તાનાશાહની છે. એવામાં ઉત્તર કોરિયા તરફથી પોતાના રોકેટ સિસ્ટમ પ્રોગ્રામમાં સતત વધારો દુનિયાભરમાં એક ચિંતાનું કારણ છે. ખાસ કરીને પડોસી દેશો માટે. તેમા પણ દક્ષિણ કોરિયા તો ઉત્તર કોરિયાના નિશાન પર રહે છે. આ પહેલા ઉત્તર કોરિયા પરમાણુ કાર્યક્રમને લઇને અમેરિકા સાથે તેના સંબંધ ખરાબ થઇ ગયા હતા. સ્થિતિ એટલી ખરાબ થઇ ગઈ હતી કે અમેરિકાને કિમ જોંગ ઉને પરમાણુ યુદ્ધની ધમકી સુદ્ધા આપી હતી.
માત્ર એક સપ્તાહની અંદર ઉત્તર કોરિયાએ ત્રીજુ પરીક્ષણ કર્યું છે. જેથી આ ક્ષેત્રમાં માહોલ અસ્થિર થઇ શકે છે. સિયોલ પણ ઉત્તર કોરિયાના રોકેટ સિસ્ટમ ડેવલપ પ્રોગ્રામ પર નજર રાખી રહ્યું છે. દક્ષિણ કોરિયાના જોઇન્ટ ચીફ ઓફ સ્ટાફ અનુસાર, પ્રોજેક્ટાઇલે લગભગ 25 કિલોમીટરની ઉંચાઇ પર લગભગ 220 કિલોમીટર સુધીની દુરી નક્કી કરી હતી. ઉત્તર કોરિયા સતત પોતાના હથિયારોમાં વધારો કરી રહ્યું છે.