અવળચંડાઈ / સુધરશે નહીં આ દેશ, ફરી કર્યુ મિસાઈલ પરિક્ષણ, 1500 કિમી દૂર સુધી સાધ્યો નિશાનો

• લાંબુ અંતર કાપનારા અત્યાધુનિક મિસાઈલોનું સફળતાપૂર્વક પરિક્ષણ થયું
• આ મિસાઈલ પર ગત 2 વર્ષથી કામ થઈ રહ્યું હતુ
•  મિસાઈલે 1500 કિલોમીટર દૂર સુધી સફળતાપૂર્વક નિશાન સાધ્યુ

લાંબુ અંતર કાપનારા અત્યાધુનિક મિસાઈલોનું સફળતાપૂર્વક પરિક્ષણ થયું

ઉત્તર કોરિયા પોતાની અવળચંડાઈથી ઉંચુ નથી આવતું. થોડોક સમય રોકાયા બાદ ઉ. કોરિયાએ લાંબુ અંતર કાપનારી અત્યાધુનિક મિસાઈલોનું સફળતાપૂર્વક પરિક્ષણ કર્યુ. અનેક મહિનાઓમાં દેશની આ આવી પહેલી પ્રવૃત્તિ છે. ઉલ્લેખનીય છે કે પરિક્ષણ એવા સમયમાં કરવામાં આવ્યા છે જે અમેરિકાની સાથે ચાલી રહ્યા છે. ઉત્તર કોરિયાના આ પરમાણુ નિરસ્ત્રીકરણને લઈને થઈ રહેલી ગતિવિધી પૂરી થવાની કોઈ શક્યતા નજરે નથી પડી રહી.

આ મિસાઈલ પર ગત 2 વર્ષથી કામ થઈ રહ્યું હતુ

કોરિયન સેન્ટ્રલ ન્યૂઝ એજન્સીએ જણાવ્યું કે આ મિસાઈલ પર ગત 2 વર્ષથી કામ થઈ રહ્યું હતુ અને આ શનિવાર અને રવિવારે ઉડાન પરિક્ષણો દરમિયાન તેમણે 1500 કિલોમીટર દૂર સુધી સફળતાપૂર્વક નિશાન સાધ્યુ. ન્યૂઝ એજન્સીનું કહેવું છે કે મિસાઈલોનો વિકાસ ઉત્તર કોરિયાની સુરક્ષાને લઈને ઘણો જરુરી છે. આ દેશને ભરોસો આપે છે. આ ઉપરાંત દેશમાં કરવામાં આવેલા મિસાઈલોનું નિર્માણ દુશ્મનોના સૈન્ય યુદ્ધાભ્યાસને રોકવા માટે એક મહત્વપૂર્ણ ભૂમિકા ભજવી શકે છે.

મિસાઈલોએ પોતાનો નિશાનો ભેદતા પહેલા 126 મિનિટની યાત્રા પૂરી કરી

દ. કોરિયાના જોઈન્ટ ચીફ્સ ઓફ સ્ટાફે કહ્યું કે સેના અમેરિકા અને દક્ષિણ કોરિયાઈ ખાનગી જાણકારીના આધારે ઉત્તર કોરિયાઈ પ્રક્ષેપણોનું વિશ્લેષણ કરી રહી છે. કોરિયાઈ ન્યૂઝ એજન્સીએ જણાવ્યું કે મિસાઈલોએ પોતાનો નિશાનો ભેદતા પહેલા 126 મિનિટની યાત્રા પૂરી કરી. કિમની શક્તિશાળી બહેને હત મહિને સંકેત આપ્યા હતા કે ઉ. કોરિયા પોતાના સંયુક્ત સૈન્ય અભ્યાસને જારી રાખવા માટે હથિયારોનું પરિક્ષણ ફરી શરુ કરવા માટે તૈયાર છે.

 અમેરિકા પર વાતચીત કરવાનું દબાણ બનાવે ઉ. કોરિયા

ઉલ્લેખનીય છે કે ઉત્તર કોરિયા લાંબા સમયથી અમેરિકા અને દક્ષિણ કોરિયા પર શત્રુતાપૂર્ણ નીતિ અપનાવવનો આરોપ લગાવ્યો છે. જાણકારોનું કહેવું છે કે આવી મિસાઈલોનું પરિક્ષણ ઉત્તર કોરિયાની રણનીતિનો ભાગ રહી છે. જેમાં તે પોતાના પર લાગેલા પ્રતિબંધો હટાવવા માટે અમેરિકા પર વાતચીત કરવાનું દબાણ બનાવે છે.