ઉત્તર કોરિયાએ મોડી રાતે બે મિસાઇલ છોડી હોવાના અહેવાલ પ્રાપ્ત થયા છે. સૂત્રોને મળતી જાણકારી મુજબ ઉત્તર કોરિયાએ છેલ્લા ત્રણ અઠવાડિયાની અંદર છઠ્ઠી વાર મિસાઇલનું પરીક્ષણ કર્યું. ઉત્તર કોરિયા દ્વારા આ પરીક્ષણ અમેરિકા સમક્ષ તેની સૈન્ય તાકતમાં વધારો કરવાને લઇને જોવામાં આવી રહ્યું છે.
ગત મહિનામાં બે ઓછા અંતરની મિસાઇલ છોડી હતી
પરીક્ષણના નામ પર ઓછા અંતરની મિસાઇલ છોડી હોવાનું અનુમાન
અમેરિકા સાથેની વાતચીત આગળ નહી વધાવાને લઇને કર્યું હોવાની શક્યતા
એક મળતાં અહેવાલ મુજબ ઉત્તર કોરિયાએ બે મિસાઇલ પૂર્વી તટીય વિસ્તારમાં છોડી છે. જો કે હજુ સુધી એવા કોઇ અહેવાલ પ્રાપ્ત થયા નથી કે આ મિસાઇલની ક્ષમતા કેટલી હતી. જો કે એવુ માનવામાં આવી રહ્યું છે કે આ મિસાઇલ ઓછા અંતરની હતી જેનું ઉત્તર કોરિયા આ વર્ષમાં ઘણી વખત પરિક્ષણ કર્યું છે.
બીજી તરફ દક્ષિણ કોરિયા અને અમેરિકન સૈનિકના સંયુક્ત અભ્યાસ અને અમેરિકા તરફથી વારંવાર મળતી ચેતવણીથી કિમ જોંગની નારજગી વધી છે. અમેરિકા અને દક્ષિણ કોરિયાની સંયુક્ત મિલ્ટ્રી કવાયત પછી ફરી એકવાર ઉત્તર કોરિયા ભડકી ઉઠ્યું છે. ફરી એકવાર ઉત્તર કોરિયાએ દક્ષિણ કોરિયા પર બે મિસાઈલ છોડી છે.
ત્રણ અઠવાડિયામાં ઉત્તર કોરિયાએ છઠ્ઠી વખત મિસાઈલ છોડીને શાંતિનું ભંગ કર્યું છે. હજુ સુધી એ માહિતી નથી મળી શકી કે આ મિસાઈલ કેવા પ્રકારની ક્ષમતા ધરાવનારી હતી. પરંતુ માનવામાં આવી રહ્યું છે કે આ મિસાઈલ ઓછા અંતરની બેલેસ્ટિક મિસાઈલ હોઈ શકે છે.
જેનું પરીક્ષણ ઉત્તર કોરિયા આ વર્ષે અનેકવાર કરી ચૂક્યું છે. આ પરિક્ષણના કારણે કિમ જોંગે સ્પષ્ટ કરી દીધું છે કે તેમનો દેશ આ પરિક્ષણ કેમ કરી રહ્યો છે. ઉત્તર કોરિયાના શાસક કિમ જોંગ ઉન અને ટ્રમ્પ વચ્ચે 3 મુલાકાતો થઈ ચૂકી છે.
જેમાં પરમાણુ હથિયાર નષ્ટ કરવા અંગે વાતચીત થઈ હતી. પરંતુ આ ત્રણેય બેઠક નિષ્ફળ રહી છે. અને કિમ જોંગે મિસાઈલ પરિક્ષણ કરવાનું યથાવત્ રાખ્યું છે. 30 જૂન બાદ કિમ અને ટ્રમ્પ વચ્ચે કોઈ મુલાકાત થઈ નથી. ત્યાર બાદથી બંને દેશ વચ્ચે તણાવ યથાવત્ છે.