ટ્રમ્પ-કિમ જોંગ વચ્ચે ફરી થઇ શકે છે મુલાકાત કિમ ચોલ US પહોંચ્યા

અમેરિકાના રાષ્ટ્રપતિ ડોનાલ્ડ ટ્રમ્પ અને ઉત્તર કોરિયાના તાનાશાહ કિમ જોંગ ઉન વચ્ચે ફરી એક વખત મુલાકાત યોજાશે. ઉત્તર કોરિયાના વરિષ્ઠ વાર્તાકાર કિમ યોંગ ચોલ ગુરૂવારના રોજ પરમાણુ બેઠક માટે અમેરિકા પહોંચ્યા છે.

આ દરમિયાન તેઓ વિદેશ પ્રધાન માઇક પોમ્પિયો સાથે કિમ અને ટ્રમ્પની બીજી મુલાકાતને લઇને વાતચીત કરી શકે છે. ઉત્તર કોરિયાના ચોલ જ્યારે પોતાના પ્રતિનિધિઓ સાથે અમેરિકાના આંતરરાષ્ટ્રીય એરપોર્ટ પર પહોંચ્યા છે ત્યારે ઉત્તર કોરિયા માટે સંયુક્ત રાજ્ય અમેરિકાના વિશેષ પ્રતિનિધિ સ્ટેફન બેગને તેમનું સ્વાગત કર્યું છે.

જો કે મળતાં અહેવાલ મુજબ આવુ પ્રથમ વખત બન્યું છે કે જ્યારે ઉત્તર કોરિયાના કોઇ સરકારી અધિકારી બીજા કોઇ શહેરમાં રોકાયા વગર સીધા વોશિંગ્ટન ડીસી પહોંચ્યા હોય. ચોલ તાનાશાહ કિંમ જોગના સૌથી નજીકના વિશ્વાસુમાંના એક માનવામાં આવે છે.

તેઓ બીજી સંમેલનને લઇને પોમ્પિયો સાથે વાતચીત કરશે તેની સાથે અમેરિકાના રાષ્ટ્રપતિ ડોનાલ્ડ ટ્રમ્પને મળી શકે છે અને કિમ જોંગનો પત્ર સોંપે તેવી શક્યતા છે.

ઉલ્લેખનીય છે કે ગત વર્ચે કિમ અને ટ્રમ્પની મુલાકાત અગાઉ બંને દેશ વચ્ચે સંબંધો ઘણા ખરાબ હતા પરંતુ આ મુલાકાત બાદ બંને નેતાઓના સંબંધોમાં હુંફ જોવા મળી છે. પછી કિમ જોંગનો પત્ર મોકલવાનું હોય કે ટ્રમ્પ દ્વારા કિમની પ્રશંસા કેમ ન હોય.