ચીનમાં જિનપિંગને મળ્યા કિમ પરમાણુ પ્રસાર રોકવાનો લીધો સંકલ્પ

બીજિંગ: ઉત્તર કોરિયાના તાનાશાહ કિમ જોંગ ઉન ચીનની ચાર દિવસની મુલાકાતે છે. તાનાશાહ કિમ પોતાની પત્ની રી સોલ જૂ સાથે ચીન પહોંચ્યા છે. સત્તામાં આવ્યા બાદ પ્રથમવાર તાનાશાહ કિમ વિદેશ પ્રવાસે છે. 

ચીની સરકાર શિન્હુઆ ન્યૂઝ એજન્સીએ કિમ જોંગ ઉન ચીનમાં હોવાની પુષ્ટિ પણ કરી છે. તાનાશાહ કિમ અને ચીનના રાષ્ટ્રપતિ શી જિનપિંગની મુલાકાતની તસવીરો પણ જાહેર કરી છે. આ મુલાકાત બાદ તાનાશાહ કિમે જણાવ્યું કે ઉત્તર કોરિયા સંયુક્ત રાજ્ય અમેરિકા સાથે વાતચીત કરવા અને બંને દેશો વચ્ચે એક શિખર સંમેલન માટે તૈયાર છે. આ સિવાય તેમણે ચીની રાષ્ટ્રપતિ શી જિનપિંગને ઉત્તર કોરિયા આવવા માટે આમંત્રણ પણ પાઠવ્યું અને શી જિનપિંગે આમંત્રણનો સ્વીકાર પણ કર્યો. ચીનની મુલાકાત દરમિયાન ચીની રાષ્ટ્રપતિ શી અને તેમની પત્ની પેંગ લિયુઆને કિમનું જોરદાર સ્વાગત કર્યું હતું. તોકિમ માટે બીજીંગમાં ગ્રેટ હોલ ઓફ પીપલમાં એક શાહી ભોજનનું આયોજન પણ કરવામાં આવ્યું હતું. 

જો કે કિમની આ પહેલી વિદેશયાત્રાને લઈ જિનપિંગે તેમને અભિનંદન પણ પાઠવ્યા હતા. આ સિવાય સ્વાગત સમારોહમાં બંને દેશોના પ્રમુખોએ કલા પ્રદર્શનનો પણ આનંદ ઉઠાવ્યો હતો. 

મળતી માહિતી મુજબ કિમે મુલાકાત બાદ કહ્યું કે વર્તમાન સમયમાં કોરિયાઈ દ્વીપકલ્પ ઝડપથી વિકસિત થઈ રહ્યું છે અને કેટલાંય મહત્વના ફેરફાર પણ થયા છે. મેં શી સાથે બંને પક્ષો બંને દેશો વચ્ચેના સંબંધોના વિકાસ બંને દેશોની સ્થિતિ કોરિયાઈ દ્વીપકલ્પ પર શાંતિ અને સ્થિરતા બનાવી રાખવા જેવા મુદ્દે વાતચીત કરી. 

મુલાકાત દરમિયાન શી એ કહ્યું કે સતત બીજીવાર ચીનના રાષ્ટ્રપતિ બનવા પર અને સીપીસી કેન્દ્રીય સમિતીના મહાસચિવ અને સીપીસી કેદ્રીય સૈન્ય આયોગના અધ્યક્ષ બનવા બદલ કિમે તેમને અભિનંદન પાઠવતો સંદેશો મોકલ્યો હતો. સાથો સાથ તેઓએ કિમનો આભાર પણ વ્યકત કર્યો.