ઉત્તર કોરિયાના શક્તિશાળી નેતા કિમ જોંગ ઉને જાહેરાત કરી છે કે પ્યોંગયાંગ હવે પરમાણુ કે અંતરમહાદ્વીપીય બેલેસ્ટિક મિસાઈલ પરીક્ષણ નહીં કરે. સાથો સાથ પોતાની પરમાણુ પરીક્ષણની સાઈટ પણ બંદ કરી દેશે. ઉત્તર કોરિયાના આ પગલાંને કોરિયાઈ દ્વીપકલ્પમાં ખૂબ જ મહત્વનું પગલું માનવામાં આવી રહ્યું છે.
તો અમેરિકાના રાષ્ટ્રપતિ ડોનાલ્ડ ટ્રંપે ઉ.કોરિયાના આ નિર્ણયને આવકાર્યો અને ટ્વીટ દ્વાર કહ્યું કે ઉ. કોરિયા તમામ પરમાણુ પરીક્ષણો અને મોટી પરમાણુ સાઈટો બંધ કરવા તૈયાર થઈ ગયું છે. આ ઉત્તર કોરિયા અને વિશ્વ માટે ખૂબ જ સારા સમાચાર છે. આ એક મોટી સફળતા છે. અમે આગામી મુલાકાતની આશા રાખીએ છીએ.
કિમે એક સત્તારૂઢ પાર્ટીની બેઠકમાં કહ્યું હતું કે પરમાણુ હથિયારોની પુષ્ટી થઈ છે. જેથી હવે અમારા માટે મધ્ય અને લાંબા અંતરની મિસાઈલો કે ICBMના પરમાણુ પરીક્ષણ કે પરીક્ષણ લોન્ચ કરવાની જરૂર નથી. તેઓએ વર્કર પાર્ટીની કેદ્રીય સમિતિની સભામાં કહ્યું કે ઉત્તરી પરમાણુ પરીક્ષણ સાઈટે પોતાનું મિશન પૂરું કરી લીધું છે.
ગત વર્ષે કિમે પોતાના છઠ્ઠા પરમાણુ પરીક્ષણમાં અત્યાર સુધીના સૌથી શક્તિશાળી પરીક્ષણ કર્યા. જેમાં કિમ જોંગ ઉને સંયુક્ત રાજ્ય અમેરિકાની મુખ્ય ભૂમિ સુધી પહોંચવા સક્ષમ મિસાઈલોનું પણ પરીક્ષણ કર્યું હતું.