પરીક્ષણ / દક્ષિણ કોરિયાનો દાવો, ઉત્તર કોરિયાએ સમુદ્રમાં છોડી બે મિસાઇલ

દક્ષિણ કોરિયાના સંયુક્ત ચીફ ઓફ સ્ટાફ (જેસીએસ)એ જણાવ્યું છે કે ઉત્તર  પૂર્વી તટીય શહેર વોનસન પાસે પરિક્ષણ કરાયું. એક અહેવાલ મુજબ ઉત્તર કોરિયાએ સ્થાનિક સમય મુજબ 5.34 અને 5.57 વાગે બે મિસાઇલનું પ્રક્ષેપણ કર્યું છે.
 

ઉલ્લેખનીય છે કે જૂનના અંતમાં અમેરિકાના રાષ્ટ્રપતિ ડોનાલ્ડ ટ્રમ્પ અને ઉત્તર કોરિયાના નેતા કિમ જોંગ વચ્ચેની મુલાકાત બાદ આ પ્રથમ વખત મિસાઇલનું પરીક્ષણ કરાયું છે.  જૂનના અંતમાં અમેરિકી રાષ્ટ્રપતિ ડોનાલ્ડ ટ્રમ્પ અને કિમ જોંગ સાથેની મુલાકાત બાદ કિમ જોંગે ફરી એકવાર મિસાઈલ પરીક્ષણ કર્યું છે.

દક્ષિણ કોરિયાએ દાવો કર્યો છે કે ઉત્તર કોરિયાએ સ્થાનિક સમય અનુસાર સવારે 5.34 અને 5.57 કલાકે બે મિસાઈલ પરીક્ષણ કર્યું છે. આ મિસાઈલને વોનસન શહેરથી દરિયામાં છોડવામાં આવી છે. કિમ જોંગે અમેરિકી રાષ્ટ્રપતી ડોનાલ્ડ ટ્રમ્પ સાથે મુલાકાત બાદ આ પ્રથમ મિસાઈલ પરીક્ષણ કર્યું છે.
 

આ પૂર્વે ઉત્તર કોરિયાએ 9 મેએ પરીક્ષણ કર્યું હતું. જેમાં બે મિસાઈલ લોન્ચ કરી હતી. આ મિસાઈલની સાથે નાના રોકેટ પણ સામેલ હતા. જૂનમાં થયેલી મુલાકાત બાદ કિમ જોંગે વિશ્વાસ આપ્યો હતો કે ઉત્તર કોરિયા હવે પરમાણુ પરીક્ષણ નહીં કરે. જોકે ટ્રમ્પની આ મુલાકાત પણ કિમ જોંગ પર બેઅસર દેખાઈ રહી છે.

ઉત્તર કોરિયાના કિમ જોંગે આ મિસાઇલનું પરીક્ષણ ઓગસ્ટ મહિના યોજાનારા દક્ષિણ કોરિયા અને અમેરિકા વચ્ચેના સેનાના યુધ્ધાભ્યાસ પહેલા કરવામાં આવ્યું છે. જો કે એક અહેવાલ મુજબ આ પરીક્ષણના કારણે કોરિયાઇ દ્વિપ સમૂહમાં તણાવ જોવા મળી શકે છે.

જો કે ઉત્તર કોરિયાના તાનાશાહ કિમ જોંગે પણ જણાવ્યું હતું કે દક્ષિણ કોરિયા અને અમેરિકા વચ્ચે યોજાનારા સેનાના યુધ્ધાભ્યાસના કારણે અમારી અને અમેરિકા વચ્ચે ચાલી રહેલી વાર્તા પર તેની અસર જોવા મળી શકે છે.