ઉત્તરભારત અને દિલ્હીમાં ઠંડીનો પ્રકોપ યથાવત જોવા મળી રહ્યો છે. હવામાનની આગાહી બાદ ઠંડી અને પવનો સતત વધી રહ્યા છે. જેના કારણે લોકો ઘરમાં જ રહેવા મજબૂર બન્યા છે. પઠાણકોટ, આદમપુર, હલવાડા, બટિંડા, ફરીદકોટ અને ગુરદાસપુરમાં ન્યૂનતમ તાપમાન ક્રમશઃ 0.8, 0.4, 0.6, 0.9, 1.2 અને 3.1 નોંધાયું હતું. હરિયાણામાં પણ પારો સામાન્યથી 6 ડિગ્રી નીચે જોવા મળ્યો હતો.
ઠંડીમાં ઠૂંઠવાયું દિલ્હી અને ઉત્તરભારત
નવા વર્ષે લોકો ઘરમાં રહેવા મજબૂર
ઠંડી અને પવનોનું જોર યથાવત
ઉત્તર ભારતમાં ઠંડીનો પ્રકોપ ચાલુ છે. નવા વર્ષના પહેલા દિવસે દેશના ઘણા ભાગોમાં કડકડતી ઠંડી પડી હતી અને લોકોને તેમના ઘરોમાં રોકાવાની ફરજ પડી હતી. સૌથી ખરાબ સમાચાર રાજસ્થાનના શ્રીગંગાનગરથી આવ્યા હતા જ્યાં તાપમાન 1.5 ડિગ્રીની નીચે પહોંચી ગયું હતું. જ્યારે અહીંનો પારો 50 ડિગ્રી સુધી પહોંચે છે. દેશના કેટલાક વિસ્તારોમાં તાપમાન પણ 1 ડિગ્રી નોંધાયું હતું.
દિલ્હી પણ લોકો ઠૂંઠવાયા
દિલ્હીમાં પણ કોલ્ડવેવની અસર જોવા મળી હતી, જ્યાં લઘુત્તમ તાપમાન 2.4 ડિગ્રી નોંધાયું હતું, જે સામાન્ય કરતાં પાંચ ડિગ્રી નીચે હતું. અધિકારીઓએ જણાવ્યું હતું કે ધુમ્મસને કારણે 25 ટ્રેનો 2થી 9 કલાક મોડી પડી હતી. બુધવારે સવારે દિલ્હીના સફદરગંજમાં લઘુત્તમ તાપમાન 8.8 અને મહત્તમ તાપમાન 1.5 ડિગ્રી નોંધાયું હતું. મંગળવારે નીકળેલા તડકાએ લોકોને રાહત આપી હતી.
પંજાબ અને હરિયાણામાં પણ પારો ગગડ્યો
પંજાબ અને હરિયાણામાં ભારે ઠંડીનો અહેસાસ થયો હતો, જ્યાં ધ્રુજતા પવનથી લોકો ઠૂંઠવાઈ ગયા હતા. લુધિયાણામાં ન્યુનત્તમ તાપમાન 0.3 ડિગ્રી સાથેનું સૌથી ઠંડુ સ્થળ હતું. તે સામાન્ય કરતાં 5 ડિગ્રી નીચે છે. પઠાણકોટ, આદમપુર, હલવાડા, બટિંડા, ફરીદકોટ અને ગુરદાસપુરમાં ન્યૂનતમ તાપમાન ક્રમશઃ 0.8, 0.4, 0.6, 0.9, 1.2 અને 3.1 નોંધાયું હતું. હરિયાણામાં પણ પારો સામાન્યથી 6 ડિગ્રી નીચે જોવા મળ્યો હતો.
યુપીમાં ઠંડીની સ્થિતિ કાયમ
યુપીમાં ઠંડી ચાલુ જ રહી છે. બુધવારે ઇટાવા અને મેરઠ સૌથી ઠંડા સ્થળો રહ્યા હતા. બંને સ્થળોએ 2.8 ડિગ્રીથી નીચે તાપમાન નોંધાયું હતું. લખનૌમાં થોડી રાહત હતી. જ્યાં લઘુત્તમ તાપમાન 4 ડિગ્રી રહ્યું હતું. જોકે, મંગળવારે ખૂબ જ ઠંડી હતી અને તાપમાન 0.7 ડિગ્રી નોંધાયું હતું. હવામાન વિભાગના જણાવ્યા અનુસાર બરેલી અને કાનપુરમાં 3.2 ડિગ્રી, સુલતાનપુરમાં 6.6, વારાણસીમાં 5.5 અને પ્રયાગરાજમાં 7.૨ ડિગ્રી લઘુત્તમ તાપમાન નોંધાયું હતું. હવામાન વિભાગે ગુરુવારે યુપીના પૂર્વ ભાગોમાં વરસાદની આગાહી કરી છે.
હિમાચલમાં રહ્યું વાદળ છાયું વાતાવરણ
હિમાચલ પ્રદેશમાં વાતાવરણ શુષ્ક રહ્યું હતું. અહીં ઠંડીનો પ્રકોપ ચાલુ જ રહ્યો છે. નવા વર્ષે આવનારા ટૂરિસ્ટે ઠંડીનો સામનો કર્યો હતો. કેલોંગમાં સોથી ઓછું એટલે કે માઇનસ 10 ડિગ્રી તાપમાન નોંધાયું. તો કિન્નોરમાં પણ માઈનસ 4 ડિગ્રી તાપમાન નોંધાયું હતું. સોલનમાં માઈનસ 2.6 ડિગ્રી સાથે શિમલા અને ડેલહાઉસીમાં પણ હવામાન ઠંડું જોવા મળ્યું હતું.