શક્યતા / ઉ.ગુજરાત-સૌરાષ્ટ્રમાં 2 દિવસ વરસાદની આગાહીઃ હવામાન વિભાગ

બે દિવસથી રાજ્યમાં ભારે પવન અને ધૂળની ડમરીઓ પણ ઉડતી નજરે પડી રહી છે. ત્યારે વરસાદી ઝાપટાની સાથે પવન પણ ફૂંકાવવાની શક્યતા છે. બનાસકાંઠા, સાબરકાંઠા, રાજકોટ, કચ્છ અને સૌરાષ્ટ્રમાં વરસાદની આગાહી છે. તો રાજ્યમાં કેટલીક જગ્યાએ વાદળછાયુ વાતાવરણ પણ રહેશે અને ક્યાંક ક્યાંક વરસાદી ઝાપટા પડી શકે છે.
 

ઉલ્લેખનીય છે કે, કમોસમી વરસાદ અને પવનના કારણે કેરીના પાકને પણ નુકસાન થઈ શકે છે. રાજ્યમાં વાતારવણમાં પલટો આવતા લોકોને ગરમીથી રાહત મળી શકે છે.  હવે વાતાવરણના પલટાને લઈને હવામાન વિભાગની આગાહી કરી છે કે આગામી બે દિવસમાં રાજ્યના અનેક વિસ્તારોમાં વરસાદ પડે તેવી સંભાવના છે.

 

બનાસકાંઠામાં ગાજવીજ સાથે તેજ પવનની આગાહી પણ કરી છે. ઉલ્લેખનીય છે કે રાજ્યમાં તોડા દિવસ અગાઉ પણ વાતાવરણમાં પલટો આવ્યો હતો અને અમદાવાદ સહિત અનેક શહેરોમાં ધૂળની ડમરી ઉડી હતી. જ્યારે રાજ્યના અનેક જિલ્લાઓમાં કમોસમી વરસાદ પડ્યો હતો. કમોસમી વરસાદ પડવાના કારણે ખેડૂતોમાં ચિંતાની લહેર જોવા મળી હતી. કમોસમી માવઠાને લઇને કેરીના પાકને નુકસાન પહોંચવાની ભીતી સેવવામાં આવી રહી છે.