હવામાન / માવઠું ઉત્તરાયણ બગાડશે! હવામાન વિભાગની અનેક વિસ્તારોમાં હળવા વરસાદની આગાહી

રાજ્યમાં ભર શિયાળે મેઘરાજા ધબધબાટી બોલાવે તેવી આગાહી કરવામાં આવી છે. ઉત્તર ગુજરાતના કેટલાક વિસ્તારમાં હળવા વરસાદી છાંટા પડી શકે છે. સાયક્લોનિક સર્ક્યુલેશન અને ટ્રફ સક્રિય થયો છે. જેના પગલે રાજ્યના કેટલાક વિસ્તારમાં માવઠાની શક્યતાઓ વ્યક્ત કરવામાં આવી છે.

રાજ્યમાં ફરી એક વખત માવઠાની શક્યતા

હાલનો તાપમાનનો વધારો વેસ્ટર્ન ડિસ્ટર્બન્સને આધારીત છે. મોટાભાગના જિલ્લામાં 1 થી 2 ડિગ્રી તાપમાન વધ્યું છે. પરંતુ આગામી 5 દિવસ તાપમાનમાં ખાસ ફેરફાર નહીં થાય જ્યારે લઘુતમ તાપમાનમાં થોડો ઘટાડો આવી શકે છે. પવનની દિશા ઉત્તરથી ઉત્તર પૂર્વની રહેશે

વાદળછાયું વાતાવરણ રહેવાની શક્યતાઓ

બનાસકાંઠા, સાબરકાંઠા, અરવલ્લીમાં હળવા વરસાદની આગાહી કરવામાં આવી છે. ત્યારે આજે અમદાવાદમાં 16.6 ડિગ્રી તાપમાન નોંધાયું છે જયારે ગાંધીનગરમાં 14.2 ડિગ્રી જ્યારે નલિયામાં રાજ્યનું સૌથી ઓછું 11.2 ડિગ્રી તાપમાન નોંધાયું છે. અમદાવાદમાં આજે 16 ડિગ્રી તાપમાન સાથે વાદળછાયું વાતાવરણ રહેવાની શક્યતાઓ છે

આ પણ વાંચો: નવી 9 મનપાની એક દિવસીય કાર્યશાળા યોજાઇ, CM ભૂપેન્દ્ર પટેલે આપ્યા સૂચન, 20-20 કરોડની ગ્રાન્ટ કરી પાસ

14 જાન્યુઆરીએ પવનવાળો માહોલ

આ સાથે હવામાન વિભાગે અમદાવાદ અને આસપાસ વિસ્તારમાં 16 ડિગ્રી આસપાસ તાપમાન રહેવાની શક્યતા વ્યક્ત કરી છે. હવામાન વિભાગે નોંધ્યું છે કે સાયકલોનીક સર્ક્યુલેશનના કારણે વાતાવરણ માં પલટો આવી રહ્યો છે. તો આ સાથે હવામાન વિભાગે 14 જાન્યુઆરીએ ઠંડી સાથે પતંગ રસિયાઓ માટે પવન વાળો માહોલ રહેવાની પણ શકયતા વ્યક્ત કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ