હવામાન વિભાગે આજે રાજ્યમાં ભારે વરસાદની આગાહી કરી છે. વેલમાર્ક લો પ્રેશર સિસ્ટમ યથાવત હોય રાજ્યમાં ભારે વરસાદની આગાહી કરાઇ છે. જેને લઇને બનાસકાંઠા, દાહોદ, પાટણમાં આજે ભારે વરસાદનું એલર્ટ અપાયું છે. અત્યાર સુધી રાજ્યમાં 87 ટકા વરસાદ નોંધાયો છે.
જ્યારે ઉત્તર ગુજરાતમાં સારો વરસાદ વરસ્યો છે. જ્યારે દક્ષિણ ગુજરાત, સૌરાષ્ટ્ર, કચ્છ, ઉત્તર ગુજરાતમાં સારા વરસાદથી ખેડૂતોને ફાયદો થયો છે. આવતીકાલથી રાજ્યમાં વરસાદમાં ઘટાડો નોંધાશે. થોડા દિવસ સુધી વરસાદી સિસ્ટમ ફરી બને તેવી શક્યતાઓ ઓછી છે.
અરવલ્લી જિલ્લામાં સાર્વત્રિક વરસાદ નોંધાયો છે. જિલ્લાના ભિલોડા, મોડાસામાં 3 ઇંચ જ્યારે મેઘરજમાં અઢી અને માલપુરમાં એક ઇંચ જેટલો વરસાદ પડ્યો છે. જ્યારે બીજી બાજુ રાજસ્થાનમાં પણ ભારે વરસાદના કારણે જિલ્લાની નદીઓમાં નવા નીર આવ્યા છે. મોડાસાની મેશ્વો નદીમાં નવા નીર આવતા મેશ્વો નદી બે કાંઠે વહી રહી છે.
બનાસકાંઠામાં જિલ્લામાં સાર્વત્રિક વરસાદ વરસી રહ્યો છે. જેના કારણે નીચાણવાળા વિસ્તારોમાં પાણી ભરાઈ ગયા છે. તો થરાદમાં મુખ્ય બજારોમાં પણ પાણી પાણી થઈ ગયું છે. જ્યારે અરવલ્લીમાં ઠેર-ઠેર પાણી ભરાઇ ગયા છે.
ભારે વરસાદના કારણે મોડાસા પાસે રેલવે અંડરપાસમાં પાણી ભરાઇ ગયા છે. જીવણપુરથી નેશનલ હાઇવેને જોડતા માર્ગ પર પાણી ભરાતા લોકોને હાલાકી વેઠવી પડી રહી છે. બનાસકાંઠા અને રાજસ્થાનની બોર્ડરની આસપાસના જિલ્લાઓમાં પડી રહેલા ભારે વરસાદના કારણે બનાસ નદીમાં નવા નીરની આવક થઈ છે.
જેના કારણે બનાસ નદી બે કાંઠે વહી રહી છે. બનાસકાંઠામાં જિલ્લામાં પડી રહેલા સાર્વત્રિક વરસાદના કારણે નીચાણવાળા વિસ્તારોમાં પાણી ભરાઈ ગયા છે. થરાદમાં મુખ્ય બજારોમાં પણ પાણી પાણી થઈ ગયું છે. થરાદમાં એસ.ટી. બસ સ્ટેન્ડમાં પણ પાણી ભરાઈ જતાં લોકોને પણ હાલાકીનો સામનો કરવો પડ્યો હતો.