આજે 19મી ડિસેમ્બરને દિવસે CAA-NRCનો વિરોધ પ્રદર્શિત કરવા માટે ભારત ભરમાં બંધનું એલાન આપવામાં આવ્યું હતુ જેને પગલે ગુજરાતમાં પણ બંધનું માટે લોકો રસ્તે ઉતરી આવ્યા હતા ત્યારે ઉત્તર ગુજરાતમાં પાટણની હેમચંદ્રાચાર્ય યુનિવર્સિટી અને અરવલ્લિની મોડાસા ખાતેની ઈજનેર કોલેજમાં ABVP દ્વારા સરકારના સમર્થનમાં નારા લગાવાયા હતા અને પ્રદર્શન કરાયા હતા.
પાટણમાં સનાગરિક સંશોધન એક્ટ બીલના સમર્થનમાં ઉજવણી
ABVPનાં કાર્યકરોએ કરી આતશબાજી
CAA અને NRCને આપ્યું સમર્થન, મોડાસાની ઈજનેરી કોલેજ ખાતે સૂત્રોચ્ચાર
પાટણ HNGU યુનિવર્સિટી ખાતે આતશબાજી કરવામાં આવી છે. નાગરિક સંશોધન એક્ટ બીલના સમર્થનમાં આ ઉજવણી કરવામાં આવી છે. આ આતશબાજી ABVPનાં કાર્યકરોએ કરી છે. ABVP દ્વારા વિવિધ બેનરો સાથે બીલનું સમર્થન કરવામાં આવ્યું છે.
સમગ્ર દેશમાં NRC અને CAAને લઈને મતભેદ જોવા મળી રહ્યા છે. દેશના અમુક ભાગોમાં NRC અને CAAનો વિરોધ કરવામાં આવી રહ્યો છે. નાગરિકતા કાયદાના વિરોધમાં દેશના વિવિધ શહેરોમાં પ્રદર્શન કરવામાં આવ્યું છે. અને વિપક્ષ દ્વારા ભારત બંધનું એલાન આપવામાં આવ્યું છે. ત્યારે અરવલ્લીમાં વિદ્યાર્થીઓ સરકારના સમર્થનમાં આગળ આવ્યા છે. મોડાસામાં ઈજનેર કોલેજ ખાતે વિદ્યાર્થીઓએ CAA અને NRCને સમર્થન આપ્યું છે. મોડાસાની ઈજનેરી કોલેજ ખાતે બિલના સમર્થનમાં ABVP દ્વારા સૂત્રોચ્ચાર કરવામાં આવ્યા હતા.