જેકલીન અને નોરાને સુકેશે આપેલા મોંઘા ગિફ્ટ ઉપરાંત નોરા અને સુકેશની ચેટ પણ સામે આવી છે જેમાં તેમણે ગિફ્ટને લઈને ચર્ચા કરી છે.
સુકેશ અને નોરાની ચેટ આવી સામે
મોંઘી ગિફ્ટને લઈને ચર્ચા
મોંઘી કારને લઈને ચેટમાં ચર્ચા
બોલિવુડ એક્ટ્રેસ જેકલીન ફર્નાડિસ અને નોરા ફતેહી મની લોન્ડ્રિંગ કેસને લઈને ચર્ચામાં છે. આ મામલો દિલ્હી પોલીસની EOWમાં સુકેશ ચંદ્રશેખર અને અન્યના વિરૂદ્ધ કથિત અપરાધિત ષડયંત્ર અને લગભગ 200 કરોડ રૂપિયાની વસૂલી સાથે જોડાયેલો છે. આ કેસમાં દરરોજ નવા ખુલસાઓ થઈ રહ્યા છે. જેકલીન અને નોરાને સુકેશે આપેલા મોંઘા ગિફ્ટ ઉપરાંત નોરા અને સુકેશની ચેટ પણ સામે આવી છે જેમાં તેમણે ગિફ્ટને લઈને ચર્ચા કરી છે.
નોરા અને સુકેશની ચેટ આવી સામે
સુકેશ ચંદ્રશેખરે નોરા ફતેહીને રેન્જ રોવર કાર વિશે પુછ્યું- "શું તને તે પસંદ છે? " તેના પર નોરા ફતેહીએ જવાબ આપ્યો "હાં, એક સારી રફ યુઝ કાર છે. તે ખૂબ જ ક્યુટ છે, આ એક સ્ટેટમેન્ટ કાર છે. " તેના પર સુકેશે મેસેજ લખ્યો- "હું તમને વધુ એક ઓપ્શન બતાવીશ."
એક અન્ય વાતચીતમાં સુકેશ ચંદ્રશેખર નોરા ફતેહીને લખે છે. "જો તમે એક મિનિટ વાત કરી શકો. હું આશા કરૂ છું કે તમે એમ નહીં વિચારી રહ્યા હોવ કે મેં આ ગિફ્ટ તમને કેમ આપી. હું એમ જણાવવા માંગુ છું કે આ કોઈ પણ હેતુથી નથી આપવામાં આવી. પરંતુ એટલે આપી છે કે જ્યારે તમે કોઈને પ્રેમ કરો છો તો તમે તેને ગિફ્ટ આપો છો. બસ એટલે જ બીજુ કંઈ નહીં."
ઈડી નોરાને ઘણી વખત સમન મોકલી ચુકી છે. આટલું જ નહીં ઈડીની ચાર્જશીટે નોરા ફતેહીની તમામ દલીલોને નકારી દીધી છે. ચાર્જશીટના અનુસાર રંગીન મિજાજ સુકેશ ચંદ્રશેખરે નોરા ફતેહીને એક કરોડ રૂપિયા નકદ, એક બીએમડબ્યુ કાર અને એક આઈફોન પણ ગિફ્ટ કર્યો હતો. એજન્સીનો દાવો છે કે ચંદ્રશેખરે ફતેહીને બીએમડબલ્યુ કાર ઉપરાંત 75 લાખ રૂપિયા આપ્યા હતા.
મહત્વનું છે કે દિલ્હીની તિહાડ જેલથી 200 કરોડ રૂપિયાની વસૂલી કેસમાં ઈડીએ ચાર્જશીટ દાખલ કરી છે. EDએ પ્રિવેન્શન ઓફ મની લોન્ડ્રિંગ એક્ટ હેઠળ જેકલીનનું નિવેદન પણ નોંધ્યું છે. દિલ્હી પોલીસે આર્થિક અપરાધ શાખાને પહેલા ચંદ્રશેખરના વિરૂદ્ધ રેનબેક્સીના પૂર્વ પ્રમોટરોં શિવિંદર સિંહ અને મલવિંદર સિંહની પત્ની પાસે 200 કરોડ રૂપિયા ઠગ્યા હોવાનો મામલો દાખલ કર્યો હતો. બાદમાં તપાસ કરવામાં આવી તો ઘણા નામ સામે આવ્યા હતા.