બોલિવુડમાં પોતાના ડાન્સની મદદથી એક અલગ જગ્યા બનાવનાર નોરા ફતેહી નું 'પેપેટા' સોંગ રિલીઝ થઇ ગયું છે.
આ સોંગ રિલીઝ થતાની સાથે જ સોશ્યલ મીડિયા પર વાયરલ થઇ રહ્યુ છે. આ વીડિયો સોંગમમાં નોરા ફતેહીની યૂનિક ડાન્સિંગ સ્ટાઇલ જોવા મળી રહી છે. નોરા ફતેહીએ પેપેટા સોંગને વીડિયોને પોતાના ઑફિશ્યલ સોશ્યલ મીડિયા ઇન્સ્ટાગ્રામ પર શૅર કર્યુ છે. નોરાએ વીડિયો શૅર કરતા જ ઇન્સ્ટાગ્રામ પર આ વીડિયો સોંગને 1 કરોડથી વધારે વ્યૂઝ મળી ચૂક્યા છે. તો યૂ ટ્યૂબ પર આ વીડિયો અત્યાર સુધી 35 લાખથી વધારે વખત જોવાઇ ચૂક્યો છે.
નોરા ફતેહીએ પોતાની ડાન્સિંગ સ્કિલ ખાસ કરીને બેલી ડાન્સિંગ માટે ખૂબ પૉપ્યુલર છે. આ વીડિયોમાં પણ તેની આ જ ડાન્સિંગ સ્કિલ જોવા મળી રહી છે. થોડા દિવસો પહેલા આ સોંગનું ટિઝર રિલીઝ કરવામાં આવ્યુ હતુ, જેને યૂઝર્સે ખૂબ જ પસંદ કર્યુ હતુ.
ઉલ્લેખનીય છે કે, આ પહેલા નોરા ફતેહી વિક્કી કૌશલની સાથે ‘પછતાઓગે’ સોંગમાં જોવા મળી હતી. અરિજિત સિંહના આ સોંગને પણ ખૂબ જ પસંદ કરવામાં આવી રહ્યુ છે.
આ પહેલા નોરા ફતેહી 'બાટલા હાઉસ'ના સોંગ 'ઓ સાકી સાકી' અને 'સત્યમેવ જયતે'માં 'દિલબર..' માં જોવા મળી હતી. આ સોંગમાં નોરા બેલી ડાન્સ કરતી જોવા મળી હતી અને ગીત સુપરહિટ રહ્યું હતું અને નોરા રાતોરાત ફેમસ બની ગઈ હતી.