બોલિવૂડની જાણીતી એક્ટ્રેસ નોરા ફતેહી તેના ડાંસ અને સ્ટાઈલને કારણે હમેશાં ચર્ચામાં રહે છે. તે તેના ડાંસ મૂવ્સથી કોઈને પણ ટક્કર આપી શકે છે. ત્યારે હાલમાં જ તેનો એક જબરદસ્ત ડાંસ વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં તેના ડાંસ મૂવ્સ અને તેનો અંદાજ જોવાલાયક છે. નોરાનો આ વીડિયો 21 લાખથી પણ વધુ વાર જોવાઈ ગયો છે.
લોકડાઉનમાં નોરાએ તેના ડાંસથી લગાવી આગ
ઈન્ટરનેટ પર ધૂમ મચાવી રહ્યો છે નોરાનો ક્વોરંટાઈન ડાંસ
નોરાનો આ ડાંસ વીડિયો ઈન્ટરનેટ પર ધૂમ મચાવી રહ્યો છે. સાથે જ લોકો તેના ડાંસની પણ ખૂબ પ્રશંસા કરી રહ્યાં છે. વીડિયોમાં નોરા ખૂબ જ સ્મૂધલી ડાંસ મૂવ્સ કરી રહી છે. વ્હાઈટ ટોપ અને ગ્રે ટ્રાઉઝરમાં એક્ટ્રેસનો લુક પણ ખૂબ જ જબરદસ્ત લાગી રહ્યો છે.
વીડિયો પોસ્ટ કરીને નોરાએ લખ્યું-આખરે શીખી ગઈ. કોર્ની સોન્ગ પર લાઈવ ક્લાસ ડાંસ રૂટીન. નોરાને પેરિસ ગોબેલનું કામ ખૂબ જ પસંદ છે. ઘણાં બોલિવૂડ સ્ટાર્સને પણ નોરાનો ડાંસ ખૂબ જ પસંદ આવ્યો છે.
તમને જણાવી દઈએ કે, નોરા સોશિયલ મીડિયા પર ઘણી એક્ટિવ રહે છે. નોરાનો ડાંસ લોકોનો દિલ જીતી લે છે. ઘણી બોલિવૂડ ફિલ્મોમાં નોરાના ડાંસે ધમાલ મચાવી છે. તેના ડાંસ સોન્ગ્સમાં દિલબર, કમરિયા, સાકી-સાકી, એક તો કમ જિંદગાની અને ગર્મી સોન્ગ સામેલ છે. હાલ દેશમાં લોકડાઉનના સમયે તેનો ડાંસ લોકોને જોવાની મજા પડી ગઈ છે. તે પણ હાલ ક્વોરંટાઈનમાં છે, પરંતુ તે તેના ફેન્સથી સતત જોડાયેલી છે.