EXCLUSIVE / બિન સચિવાલય પરીક્ષા કૌભાંડ : યુવરાજ સિંહે કહ્યું, હવે સરકારે પરીક્ષા રદ્દ કરવી જોઈએ

• FSLની તપાસમાં પેપર લીક થયાનું સામે આવ્યું 
• મોબાઇલ મેસેજના આધારે પેપર લીક થયાનું સામે આવ્યું 
• પરીક્ષાના નિયત સમય પહેલા પેપર લીક થયું હતું

બિન સચિવાલયની પરીક્ષામાં ગેરરીતિ મામલે SITની રચના થઇ હતી. જેમાં 10 દિવસમાં તપાસ પૂર્ણ કરાશે. ત્યારે FSLની તપાસમાં સામે આવ્યું છે કે, બિન સચિવાલયની પરીક્ષાનું પેપર મોબાઇલ મેસેજના આધારે લીક થયું છે. પરીક્ષાના નિયત સમય પહેલા પેપર લીક થયું હતું. ત્યારે હવે આ પરીક્ષામાં ગેરરીતિ થઇ હોવાનું સામે આવી રહ્યું છે. 

આ મામલે યુવરાજસિંહે કહ્યું છે કે, આંદોલન દરમિયાન સરકાર સાથે વાતચીત થઇ ત્યારબાદ SITની રચના કરવામાં આવી હતી. આ દરમિયાન સરકાર પાસે અમારી માંગ હતી કે જો પેપર લીક સાબિત થાય તો પરીક્ષા રદ્દ કરવામાં આવે. ત્યારે અમારી સરકાર પાસે આશા છે કે આ પરીક્ષા તેઓ રદ્દ કરશે. આ વચ્ચે જો આ પરીક્ષા રદ્દ નહીં થાય તો? અમારે ફરી બાયો ચડાવી પડશે. સરકારે વિદ્યાર્થીઓનો વિશ્વાસ જીતવાની જરૂર છે. તેમજ પરીક્ષામાં સુધારાની જરૂરી છે. સરકાર યોગ્યરીતે પરીક્ષા પણ લઇ શકતી નથી. સરકારે પોતાની ભૂલ સ્વીકારવી જોઇએ.

યુવરાજસિંહે માંગ કરી છે કે, મહેનતુ વિદ્યાર્થીઓની સીટ ભ્રષ્ટાચારીઓ ના લઇ જાય. ભવિષ્યમાં જે ભરતી થાય તેમાં અન્યાય ના થાય. પરીક્ષા રદ્દ થાય અને નવી પરીક્ષાની તારીખ જાહેર થાય. સરકારે પરીક્ષાઓમાં સુધારા કરવાની જરૂર છે.

ત્યારે કેટલાક સવાલો થાય છે કે શું હવે સરકાર પરીક્ષા રદ્દ કરશે ? પેપર લીક કરનાર સામે શું કાર્યવાહી થશે ? વિદ્યાર્થીઓએ આપેલા પુરાવા સાચા જ હતા ? પેપર ફોડનારને ક્યારે દંડાશે?