ગુજરાતમાં આગામી ત્રણ ચાર દિવસમાં વાતાવરણમાં પલટો આવી શકે છે, હવામાન વિભાગે સૌરાષ્ટ્ર અને દ.ગુજરાતમાં કમોસમી માવઠાની શક્યતાઓ વ્યક્ત કરી છે.
રાજ્યમાં હળવા વરસાદની આગાહી
લો પ્રેશરના કારણે બન્યું છે વેલ માર્ક
વેલ માર્કને લઇ પડી શકે છે વરસાદ
ગુજરાત સહિત આખો દેશ અત્યારે દિવાળી સહિતના તહેવારોની ઉજવણી કરી રહ્યો છે ત્યારે ગુજરાતનાં મોસમનો મિજાજ બદલાય તેવા એંધાણ દેખાઈ રહ્યા છે. ગુજરાતમાં આગામી ત્રણ ચાર દિવસમાં વાતાવરણમાં પલટો આવી શકે તેવી શક્યતા છે.
આગામી દિવસોમાં ગુજરાતમા હળવા વરસાદની આગાહી
ગુજરાતમાં ધીમે ધીમે તાપમાનનો પારો નીચો ગગડી રહ્યો છે અને ઠંડીનો ચમકારો વધી રહ્યો છે, ત્યારે વહામાન વિભાગે આગામી 3થી4 દિવસ વરસસાદ પડવાની સંભાવનાઓ વ્યક્ત કરી છે. લક્ષદીપ પાસે લો પ્રેશન વહેલી તકે વેલ માર્ક બનશે, વેલમાર્કના કારણે લક્ષદીપમાં વરસાદની સિસ્ટમ સક્રિય થતા રાજ્યમાં હળવા વરસાદની હવામાન વિભાગની આગાહી કરી છે.
સૌરાષ્ટ્ર અને દ.ગુજરાતમાં કમોસમી માવઠાની શક્યતા
આગાહી પ્રમાણે દક્ષિણ ભારતમાં અને ગુજરાતના સમુદ્રી તટીય વિસ્તોરમાં વરસાદ પડી શકે છે, તેમજ આગામી 3થી 4 દિવસ વાતાવરણમાં પલટો આવી શકે છે, હવામાન વિભાગે સૌરાષ્ટ્ર અને દ.ગુજરાતમાં કમોસમી માવઠાની શક્યતાઓ પણ સેવી છે. જેને લઈને ખેડૂતોમાં શિયાળું પાકને લઈને ચિંતા જોવા મળી રહી છે. સુરત, વલસાડ, ડાંગ, તાપી, દાદરાનગર, હવેલી સહિતના વિસ્તારોમાં વરસાદ પડી શકે છે.
લો પ્રેશર સક્રિય થતા રાજ્યમાં કમોસમી વરસાદની શક્યતા
આ તરફ સૌરાષ્ટ પંથકમાં પણ વરસાદની શક્યતાઓ જોવાઈ રહી છે. અમરેલી, રાજકોટ, ભાવનગર સહિતના વિસ્તારોમાં હળવાથી મધ્યમ વરસાદ પડે તેવું જણાઈ રહ્યું છે. અરબી સમુદ્રમાં વેલમાર્ક લો પ્રેશર સક્રિય થતા કમોસમી વરસાદ પડવાની હવામાન વિભાગે શક્યતા વ્યક્ત કરી છે.
આગાહીના પગલે રાજ્ય સરકારે APMC અને ખેડૂતોને કર્યું સૂચન
હવામાન વિભાગની આગાહીને પગલે રાજ્ય સરકારે પણ ખુલ્લામાં રાખેલ અનાજને નુકસાનથી બચાવવા APMC અને ખેડૂતોને સુચન કર્યું છે, આ સુચન જૂનાગઢ, રાજકોટ, દ્વારકા,જામનગર સહિતને અનેક જિલ્લાઓમાં કરવામાં આવ્યું છે જેથી વરસાદથી ખેડૂતોના તૈયાર પાકને બચાવી શકાય, રાજ્ય સરકારે ખેડૂતોને અને APMCને ખુલ્લામાં રાખેલા અનાજને યોગ્ય જગ્યાએ મૂકવા સૂચન કર્યું છે.