વાહ ! / હવે NOKIAએ પણ ભારતમાં લોન્ચ કર્યો 5G સ્માર્ટફોન, ફિચર્સ જાણીને ખરીદવાનું થઈ જશે મન

• HMD Globalએ નવો નોકિયા 5G સ્માર્ટફોન લોન્ચ કર્યો
• આ ફોન નોકિયાના રિટેલ સ્ટોર પરથી ખરીદી શકાશે
• XR20 30 ઓક્ટોબરથી લોકોની વચ્ચે વેચાણ માટે અપાશે

નોકિયાના રિટેલ સ્ટોર પરથી ખરીદી શકાશે

કંપનીએ જણાવ્યું કે, Nokia XR20 અલ્ટ્રા બ્લૂ અને ગ્રેનાઈટ કલર ઓપ્શનની સાથે આવે છે. જેને નોકિયાના મુખ્ય ઓફલાઈન રિટેલ સ્ટોર, ઈ-કોમર્સ પ્લેટફોર્મ અને Nokia.com પર ખરીદી શકાશે. જેની પ્રારંભિક કિંમત 46,999 રૂપિયા છે. યુઝર્સ માટે આ 20-29 ઓક્ટોબરની વચ્ચે પ્રી-બુકિંગ માટે મળી રહેશે. સ્માર્ટફોન XR20 30 ઓક્ટોબરથી લોકોની વચ્ચે વેચાણ માટે અપાશે.

પાણીમાં ફોન બગડશે નહીં

કંપનીએ જણાવ્યું કે, જે ગ્રાહકો સ્માર્ટફોન માટે એડવાન્સ બુકિંગ કરાવી રહ્યાં છે, તેમને 3599 રૂપિયાની નોકિયા પાવર ઈયરબર્ડસ લાઈટ અને એક વર્ષનો સ્ક્રીન પ્રોટેક્શન પ્લાન વગેરે મફત ગિફ્ટનો પણ લાભ મળશે. HMD Global ના વાઈસ પ્રેસિડેન્ટે એક નિવેદનમાં કહ્યું કે એક પ્રીમિયમ સ્માર્ટફોનથી યુઝર્સને એડવાન્સ ફીચર જોઈએ છીએ અને ડિવાઈસ વધુ ચાલે તેવો પણ જોઈએ છે. નોકિયા  XR020 એક લાઈફ-પ્રુફ સ્માર્ટ ફોન છે, જેનો દરરોજ ઉપયોગ કરવાથી પાણીમાં પણ ખરાબ થતો નથી. કંપનીએ જણાવ્યું કે, બ્રાન્ડ ન્યૂ લાઈફ-પ્રુફ Nokia XR20 સ્માર્ટફોન મિલ્ટ્રી ગ્રેડ રેજીલેન્સની સાથે માસિક સિક્યોરિટી અપડેટ, ત્રણ વર્ષ સુધી લેટેસ્ટ સોફ્ટવેર અપગ્રેડ અને ફ્યુચર પ્રૂફ 5G ટેકનોલોજીની  સાથે બનાવવામાં આવ્યો છે.

સ્માર્ટફોનના ફીચર્સ

જો સ્માર્ટફોનની વિશેષતાની વાત કરીએ તો Nokia XR20 6.67 ઈંચની 1080p ડિસ્પ્લે છે, જે 60Hz રિફ્રેશ રેટની સાથે આવે છે. આ સ્માર્ટફોન ક્વાલકોમ સ્નેપડ્રેગન 480 સિસ્ટમ ઓન ચિપથી ઓપરેટ થાય છે. જે 6GB રેમ અને 128GB સ્ટોરેજની સાથે આવે છે.