ન્યૂ લોન્ચ / બજેટ સ્માર્ટફોન Nokia 2.2 ભારતમાં લોન્ચ, 30 જૂન સુધી ઑફરમાં મળશે વધારે સસ્તો

Nokia 2.2 એક ડેડિકેટેડ ગૂગલ અસિસ્ટન્ટ બટન આપવામાં આવ્યું છે, આ બટન ગૂગલ આસિસ્ટન્ટ વૉકી-ટોકી ફિચરને સપોર્ટ કરે છે. જોકે બટનને લોંગ પ્રેસ કરી રાખવા પર એક્ટિવ થાય છે. આ સિવાય આ સ્માર્ટફોનમાં ગૂગલ લેંસ સપોર્ટ અને ફેસ અનલૉક ફિચર પણ આપ્યા છે. આ સ્માર્ટફોનની સરખામણી Realme C2, Realme C1 , Infinix Smart Plus 3 અને  Asus ZenFone Max M1 જેવા સ્માર્ટફોન્સની સાથે થશે. 

HMD ગ્લોબલ અનુસાર, Nokia 2.2 ની ભારતમાં 2GB RAM અને 16GB સ્ટોરેજ માટે 7,699 રૂપિયા અને 3GB RAM અને 32GB સ્ટોરેજ માટે 8699 રૂપિયા રાખવામાં આવી છે. લિમિટેડ પીરિયડ ઑફર હેઠળ Nokia 2.2 ના GB + 16GB વેરિયન્ટને 6999 રૂપિયા અને 3GB + 32GB વેરિયન્ટે 7,999 રૂપિયામાં સેલ કરવામાં આવશે. આ લિમિટેડ પીરિયડ ઑફર 30 જૂન સુધી છે.

ગ્રાહકો આ સ્માર્ટફોન સ્ટીલ અને ટંગસ્ટન બ્લેક ક્લર્સમાં ખરીદી શકશે. આ ફોનમાં ફ્લિપકાર્ટ, નોકિયા ઑનલાઇન સ્ટોર અને મોટા મોબાઇલ રિટેલ આઉટલેટ્સથી 11 જૂનથી શરૂ થશે. પ્રી-બુકિંગ અત્યારથી નોકિયા ઑનલાઇન સ્ટોરમાં શરૂ થઇ ગઇ છે. 

લોન્ચ ઓફર્સની વાત કરવામાં આવે તો Jioના યૂઝર્સને Nokia 2.2ને 2,200 રૂપિયાનુ ઇન્સ્ટન્ટ કેશબેક અને 100GB એડિશનલ ડેટા મળશે. કેશબેક અને એડિશનલ ડેટા ઑફર 198 રૂપિયા અને 299 રૂપિયાના રિચાર્જ વેલિડ હશે. આ રીતે 2200 રૂપિયાનું ઇન્સ્ટન્ટ કેશબેક 50 રૂપિયાની 44 ડિસ્કાઉન્ટ કૂપનના ફોર્મમાં મળશે.

Nokia 2.2ની સ્પેસિફિકેશન્સ:

આ ફોનમાં 5.71 ઈંચનો ડિસ્પ્લે આપવામાં આવ્યો છે કે જેનું રેઝોલ્યુશન 1520×720 પિક્સલ છે. આ ફોનમાં સિંગલ ફ્લેશ સહિત 13 મેગાપિક્સલનો રિયર કેમેરો આપવામાં આવ્યો છે. સેલ્ફી માટે ફોનમાં 5 મેગાપિક્સલનો ફ્રન્ટ કેમેરો આપવામાં આવ્યો છે. ફેસ અનલોક ફિચર પણ આ સ્માર્ટફોનમાં જોવા મળશે. 

આ ફોન એન્ડ્રોઇડ 9 પાઇ પર વર્ક કરશે અને જલ્દી તે માટે આ ફોનમાં Android Q અપડેટ જાહેર કરવામાં આવશે. આ ફોનમાં 3000mAhની બેટરી આપવામાં આવી છે. આ ફોનમાં એક ડેડિકેટેડ ગૂગલ અસિસ્ટન્ટ બટન પણ છે. 

કનેક્ટિવિટીની વાત કરવામાં આવે તો આ સ્માર્ટફોનમાં 4G LTE, Wi-Fi 802.11 b/g/n, બ્લૂટૂથ 4.2, માઇક્રો  -USB  પોર્ટ અને GPS સપોર્ટ આપવામાં આવ્યો છે. આ ફોનનુ વજન 153 ગ્રામ છે.