HMD ગ્લોબલે ભારતમાં નોકિયાના એન્ટ્રી લેવલ એન્ડ્રોઈડ સ્માર્ટફોન Nokia 1 લોન્ચ કરી દીધો છે. આ Android Oreo Go એડિશન મોબાઈલ OS પર ચાલે છે. તેની કિંમત 5 499 રૂપિયા છે જેને રિટેલ સ્ટોરથી ખરીદી શકાય છે.
ગૂગલે ‘ગૂગલ ફોર ઈન્ડિયા’ ઈવેન્ટમાં ભારત જેવા દેશો માટે Android Oreo Go એડિશન આપવાની જાહેરાત કરી હતી. આ OSની ખાસિયત છે કે તે એન્ટ્રી લેવલ હાર્ડવેર સ્પેસિફિકેશનવાળા સ્માર્ટફોનમાં પણ સારી રીતે કામ કરે છે. તેને ખાસ રીતે 1GB રેમ વાળા સ્માર્ટફોન માટે ડિઝાઈન કરાઈ છે.
સ્પેસિફિકેશન્સની વાત કરીએ તો Nokia 1માં 4.5 ઈંચની FWVGA સ્ક્રીન આપેલી છે. અને તેમાં 1.1 GHz ક્વોડ કોર મીડિયાટેક MT6737M પ્રોસેસર આપ્યું છે. તેમાં 1GB રેમ સાથે 8GB ઈન્ટરનલ મેમરી છે. માઈક્રો એસડી કાર્ડ દ્વારા સ્ટોરેજને 128GB સુધી વધારી શકાય છે. આ સ્માર્ટફોન Android Oreo (Go Edition) પર ચાલે છે અને આવનારા સમયમાં તેમાં નવું અપડેટ પણ મળશે. ફોટોગ્રાફી માટે તેમાં 5 મેગાપિક્સલનો ઓટોફોકસ રિયર કેમેરા આપેલો છે આ સાથે એલઈડી ફ્લેશ પણ છે. સેલ્ફી માટે તેમાં 2MPનો ફ્રંટ કેમેરા છે.
Nokia 1માં કનેક્ટિવિટી માટે 4G VoLTE સહિત WiFi બ્લૂટૂથ GPS FM રેડિયો અને માઈક્રો યૂએસબી કનેક્ટર જેવા સ્ટાન્ડર્ડ ફીચર્સ છે. તેની બેટરી 2150mAhની છે. કંપનીએ દાવો કર્યો છે કે 9 કલાક સુધીનો ટોકટાઈમ અને 15 દિવસનો સ્ટેન્ડબાય બેકઅપ આપશે.
ઉલ્લેખનીય છે કે પહેલીવાર આ સ્માર્ટફોન સાથે Android Go Edition આવી રહ્યું છે. જોવું રહેશે કે યુઝર્સને તે કેટલું પસંદ આવે છે. તેની સમગ્ર ઈકો સિસ્ટમ અલગ છે. નવા એપ્સ હશે આથી સ્માર્ટફોન સારો હશે તેવી ઉમ્મીદ છે.