તપાસ / DND પર પ્રિયંકા ગાંધી સાથે થયેલા ગેરવર્તણૂક મામલે નોઈડા પોલીસે આપ્યા તપાસના આદેશ, કહ્યું...

• નાઈડામાં DND પર  પ્રિયંકા ગાંધી સાથે ગેરવર્તણૂકનો મામલો
• નોઈડા પોલીસે આ મામલે વરિષ્ઠ મહિલા અધિકારીએ આપ્યા તપાસના આદેશ 
• એક પોલીસકર્મીએ પ્રિયંકા ગાંધીનો કુર્તો પકડીને ખેંચ્યો હતો 

હાથરસ દુષ્કર્મ કેસમાં પીડિત પરિવારને મળવા નિકળેલા પ્રિયંકા અને રાહુલ ગાંધીને રસ્તામાં જ અટકાવાયા હતા.  આ સમયે તેની સાથે ગેરવર્તણૂક કરવામાં આવી હતી.   તે સમયના કેટલાક ફોટોગ્રાફ્સ વાયરલ થઈ રહ્યા છે. 

 જેમાં એક પોલીસકર્મીનો હાથ પ્રિયંકા ગાંધીના કપડા પર નજરે પડી રહ્યો છે. નોઈડા પોલીસે આ મામલે તપાસના આદેશ આપ્યા છે. SP રેન્કના અધિકારીને તપાસ સોંપવામાં આવી છે. પોલીસે કહ્યું કે ફોટો વાયરલ થયો છે. જેમાં ચહેરો નજરે નથી પડી રહ્યો. 

DND ફ્લાઈવે પર કોંગ્રેસ નેતા પ્રિયંકા ગાંધી વાડ્રા સાથે ગેરવર્તણૂક થઈ હતી. પ્રિયંકા ગાંધીનો કુર્તો એક પોલીસ કર્મી ખેંચતો નજરે પડ્યો હતો. જે મામલે હવે તપાસના આદેશ આપવામાં આવ્યા છે.