દેશમાં અત્યારે કાશ્મીર ફાઈલ્સ એક લોકપ્રિય અને સૌથી વધુ ચર્ચિત ફિલ્મ બની ગઇ છે. 1990ના દાયકામાં ઘાટીથી કાશ્મીરી પંડિતોના પલાયન પર આધારિત આ ફિલ્મની લોકપ્રિયતા દિવસે-દિવસે વધી રહી છે. જેની સાથે સાઈબર ક્રિમિનલ્સ પણ તેનો ફાયદો ઉઠાવી રહ્યાં છે.
ફિલ્મ 'કાશ્મીર ફાઈલ્સ'ની લોકપ્રિયતા વધી
કાશ્મીર ફાઈલ્સની ફેક ડાઉનલોડ લિન્ક વોટ્સએપ પર થઇ રહી છે વાયરલ
આ લિન્ક પર ક્લિક કરશો તો તમારું બેંક એકાઉન્ટ થઇ જશે ખાલી
કાશ્મીર ફાઈલ્સની એક ફેક ડાઉનલોડ લિન્ક થઇ રહી છે વાયરલ
વોટ્સએપ પર આજકાલ કાશ્મીર ફાઈલ્સની એક ડાઉનલોડ લિન્ક ઝડપથી વાયરલ થઇ રહી છે. જે યુઝર્સને ફિલ્મને ફ્રીમાં ડાઉનલોડ કરવાની લાલચ આપી રહ્યાં છે. નોઈડા પોલીસના એડિશનલ ડેપ્યુટી કમિશ્નર રણવિજય સિંહે મોબાઈલ યુઝર્સને વોટ્સએપ પર ફરી રહેલા આ ફ્રોડને લઇને એલર્ટ જાહેર કર્યુ છે. પોલીસ જાણકારી મુજબ, છેતરપિંડી વિરુદ્ધ ચેતવણી આપી છે. જેમાં ફિલ્મ ધ કાશ્મીર ફાઈલ્સને ડાઉનલોડ કરવા માટે મેલિસિયસ લિન્ક સામેલ છે.
પોલીસે વોટ્સએપ લિન્ક પર ક્લિક વિરુદ્ધ ચેતવણી આપી
પોલીસે સોશિયલ મીડિયા અને ધ કાશ્મીર ફાઈલ્સને ફ્રી એક્સેસ ઑફર કરનારા વોટ્સએપ લિન્ક પર ક્લિક વિરુદ્ધ ચેતવણી આપી છે. નોઈડાના એડિશનલ ડેપ્યુટી કમિશ્નર રણવિજય સિંહે કહ્યું કે વોટ્સએપ મેલવેયર પર ક્લિક કરવાથી ફોન હેક થઇ શકે છે અને નંબરો સાથે જોડાયેલું બેંક એકાઉન્ટ ખાલી થઇ શકે છે. પોલીસે છેતરપિંડી સંબંધિત અમુક ફરિયાદો નોંધી છે. જેમાં યુઝર્સને ફિલ્મ ધ કાશ્મીર ફાઈલ્સના અમુક ડાઉનલોડ લિન્ક પર ક્લિક કરી, કારણકે યુઝર્સને વોટ્સએપ પર વિશ્વસનીય કોન્ટેક્ટથી રિસીવ થયા છે. પરંતુ યુઝર્સે જેવી આ લિન્ક ક્લિક કરી તો હેકર્સે યુઝર્સના ફોનની જાણકારી પ્રાપ્ત કરી લીધી અને બેંક એકાઉન્ટ નંબર જેવી ખાનગી માહિતી ચોરવામાં સક્ષમ થયા.
વોટ્સએપ થઇ રહ્યો છે ફ્રોડ
ફિલ્મ હાલમાં રિલીઝ થઇ છે અને તેની ખૂબ ચર્ચા થઇ રહી છે. જેનો ફાયદો ઉઠાવીને સાયબર ઠગોએ ફિલ્મને ફ્રીમાં ડાઉનલોડ કરવા માટે વોટ્સએપ પર લિન્ક મોકલવાનું શરૂ કર્યુ છે. એક વખત જ્યારે યુઝર લિન્ક પર ક્લિક કરે છે તો આ હેકર્સને યુઝર્સના ફોન પર જાણકારીનુ એક્સેસ મળી જાય છે અને બેંક એકાઉન્ટની જાણકારી સહિત ખાનગી માહિતી પણ ચોરી કરી લે છે.