એક રિપોર્ટ અનુસાર ગયા બુધવારે કોર્ટમાં દાખલ કરવામાં આવેલી અરજી અનુસાર એક વ્યક્તિ 2014થી ક્રોનિક ફેટીગ સિન્ડ્રોમથી પીડિત છે અને તેને ડૉક્ટર દ્વારા કથિત રીતે ગંભીર રોગ થયો હતો.
મહિલાએ હાઈકોર્ટમાં કરી અરજી
મિત્રએ ઈત્છા મૃત્યુ માટે કરી છે માંગ
ઈચ્છામૃત્યુ માટે જઈ રહ્યો છે સ્વીઝરલેન્ડ
દિલ્હી હાઈકોર્ટ એક સપ્તાહના વિરામ બાદ આવતા અઠવાડિયે ફરી ખુલશે ત્યારે તેને એક અનોખા કેસની સુનાવણી કરવી પડશે. બેંગલુરુની એક 49 વર્ષીય મહિલા ઇચ્છે છે કે કોર્ટ તેના મિત્રને યુરોપ પ્રવાસ કરતા અટકાવે. માહિતી અનુસાર આ વ્યક્તિની તબિયત નાજુક છે અને તે ઈચ્છામૃત્યુ મેળવવા માટે યુરોપનો પ્રવાસ કરી રહ્યો છે.
તમને જણાવી દઈએ કે ઈચ્છામૃત્યુનો વિકલ્પ ભારતમાં એક એવા વ્યક્તિ માટે ઉપલબ્ધ નથી જે અસાધ્ય રૂપે બીમાર હોય.
ઈચ્છામૃત્યુ માટે મદદ
એક રિપોર્ટ અનુસાર ગયા બુધવારે કોર્ટમાં દાખલ કરવામાં આવેલી અરજી અનુસાર તે વ્યક્તિ 2014 થી ક્રોનિક ફટીગ સિન્ડ્રોમથી પીડિત છે અને તેને કથિત રીતે એક ડૉક્ટર દ્વારા ઈચ્છામૃત્યુમાં મદદ કરવામાં માટે સ્વિટ્ઝરલેન્ડ જવાની યોજના બનાવી રહ્યા છે.
દર્દીની નજીકની મિત્ર હોવાનો દાવો કરતી મહિલાએ કોર્ટને વિનંતી કરી છે કે જો તેના મિત્રનો આ પ્રવાસ રોકવામાં ન આવ્યો તો તેના માતા-પિતા, અન્ય પરિવારના સભ્યો અને મિત્રોને મોટી ખોટનો સામનો કરવો પડશે.
એઈમ્સમાં ચાલી રહી છે સારવાર
અરજી અનુસાર, નોઈડાના નિવાસી તેમની સ્થિતિ માટે એઈમ્સમાં ફેકલ માઇક્રોબાયોટા ટ્રાન્સપ્લાન્ટેશન નામની સારવારની પદ્ધતિમાંથી પસાર થઈ રહ્યા હતા. પરંતુ ડોનર ન મળવાને કારણે કોરોના મહામારી વખતે તેની સારવાર ચાલુ રહી શકી ન હતી.
અરજીમાં જણાવાયું છે કે તેના લક્ષણો 2014 માં શરૂ થયા હતા અને છેલ્લા 8 વર્ષોમાં તેની સ્થિતિ વધુ ખરાબ થઈ હતી. જેના કારણે તેને સંપૂર્ણપણે પથારીવશ રહેવાની ફરજ પડી હતી અને ઘરની અંદર થોડા પગથિયાં પણ ચાલી શકતા હતા.
દિલ્હી હાઈકોર્ટમાં દાખલ કરી અરજી
દિલ્હી હાઈકોર્ટમાં અરજી દાખલ કરનાર મહિલાના જણાવ્યા અનુસાર, "આ પુરુષ તેના માતા-પિતાનો એકમાત્ર પુત્ર છે, જે તેમની ઉંમરના સિત્તેરના દાયકામાં છે. તેની એક બહેન છે. અરજી સાથે જોડાયેલ રેકોર્ડ દર્શાવે છે કે મહિલા તેની તબિયતની સ્થિતિને લઈને પુરુષ અને તેના પરિવારના સભ્યો સાથે સતત સંપર્કમાં છે.
કોર્ટ સમક્ષ મૂકવામાં આવેલા રેકોર્ડ્સમાં વ્યક્તિ દ્વારા અરજદારને કથિત રીતે મોકલવામાં આવેલ સંદેશ પણ શામેલ છે. જેમાં તેણે લખ્યું છે કે, 'હવે ઈચ્છામૃત્યુના વિકલ્પોની શોધ કરી રહ્યાં છીએ. બસ બહુ થયું હવે.'