VIDEO: કડક સુરક્ષાની વચ્ચે 6 વર્ષ બાદ PAK પરત ફરી મલાલા તાલિબાન હુમલા બાદ છોડ્યો હતો દેશ

ઇસ્લામાબાદ: નોબેલ શાંતિ પુરસ્કાર વિજેતા મલાલા યુસુફજઈ આખરે પાકિસ્તાન પરત ફરી છે. તાલિબાની આતંકીઓ દ્વારા થયેલા હુમલા બાદ મલાલા પ્રથમવાર પાકિસ્તાન પરત ફરી છે. છ વર્ષ પહેલા 2012માં તાલિબાની આતંકવાદીઓએ તેના પર હુમલો કર્યો હતો અને ગોળી વાગી હતી. ત્યારબાદ મલાલાએ પાકિસ્તાન છોડયું હતું અને સારવાર માટે બ્રિટેન ગઈ હતી. ત્યારથી લઈને અત્યાર સુધી મલાલા વિદેશમાં જ રહેતી હતી.

મલાલા આજે સવારે પાકિસ્તાન એરપોર્ટ પહોંચી હતી. મલાલાના આગમન પર પાકિસ્તાનમાં ચુસ્ત બંદોબસ્ત ગોઠવાયો હતો અને મલાલાને ચુસ્ત બંદોબસ્ત વચ્ચે સ્થાનિક હોટલમાં લઈ જવાઈ હતી. 

જો કે એવી પણ માહિતી મળી રહી છે કે પાકિસ્તાની પ્રધાનમંત્રી શાહિદ ખાકાન અબ્બાસી મલાલા સાથે મુલાકાત કરી શકે છે. મલાલા પોતાના પરિવાર અને મલાલા ફંડના સીઈઓ સાથે મીટ ધ મલાલા કાર્યક્રમમાં સામેલ થશે. તે ચાર દિવસ સુધી પાકિસ્તાનમાં રહેશે.  

             કોણ છે મલાલા યૂસુફજઈ ?