અમેરિકન ભાષા વિદ અને રાજનીતિક વિશ્લેષક નોમ ચોમ્સ્કીએ દાવો કર્યો છે કે કોરોના એક મહામારી ચોક્કસ છે પણ તે એ બે મોટા સંકટની સામે ઘણી નાની છે જે આવવાના છે . ડીઆઈઈએમ-25 ટીવી સાથે વાત કરતા ચોમ્સ્કીએ કહ્યું કોરોના ઘણી ગંભીર સમસ્યા છે પણ પરમાણુ યુદ્ધ અને ગ્લોબલ વોર્મિંગ 2 સૌથી મોટા સંકટ છે જે માનવ સભ્યતાના વિનાશનું કારણ બનશે. તેમણે કહ્યું કે જે રીતે રાજનીતિક અને આર્થિક હાલત છે આ બન્ને સંકટ બહું દુર નથી.
પરમાણુ યુદ્ધ અને ગ્લોબલ વોર્મિંગ 2 સૌથી મોટા સંકટ છે
આ બન્ને સંકટ બહું દુર નથી
કોરોનાએ સામાજિક અને અન્ય ખામીઓ છતી કરી નાંખી
ટીવી પર સ્રેકો હોવાર્ટ સાથે વાત કરતા 91 વર્ષીય નોમ ચોમ્સ્કીએ કહ્યું કે કોરોના ટ્રમ્પ સરકારની સત્તા દરમિયાન આવ્યો છે એટલે આ વધારે મોટો ખતરો ગણવામાં આવી રહ્યો છે. કોરોના ભયાનક છે અને તેનું પરિણામ પણ ભયાનંક હશે પણ આપણે તેમાંથી બહાર આવી જઈશુ. પણ આ બે સંકટથી બહાર નહીં આવી શકીએ. અમેરિકાની વધતી તાકાત વિનાશનું કારણ બનશે.
ડાઉન ટુ અર્થ મેગેઝિનમાં છપાયેલા ઈન્ટરવ્યુમાં ચોમ્સ્કીએ કહ્યું કે સૌથી મોટું સંકટ જોઈએ તો ક્યૂબા, યુરોપની મદદ કરી રહ્યુ છે. પરુંત જર્મની ગ્રીસની મદદ માટે તૈયાર નથી. કોરોના તમને એ વિચારવા મજબૂર કરી શકે કે તમને કેવી દુનિયા જોઈએ છે. ધનિક દેશો કોરોનાની રસી બનાવી શકતા હતા પરંતુ દવા કંપનીઓએ બોડી ક્રીમ બનાવવાનું વધારે ફાયદાકારક લાગ્યું. તેમણે એમણે કહ્યું કે ઓક્ટોમ્બર 2019માં અમેરિકાને કોરોનાનો સંભવિત વાયરસ આવવાનો અંદાજ હતો પણ તેને ધ્યાન ન આપ્યું.
ચોમ્સ્કીએ આરોપ લગાવ્યો કે જર્મની પાસે એક વિશ્વસનીય હોસ્પિટલ પ્રણાલી છે પરંતુ તેમણે ફક્ત પોતાના હિતમાં તેનો ઉપયોગ કર્યો. સૌથી ખરાબ વલણ અમેરિકા અને બ્રિટનનું રહ્યું. જેમણે કોઈ દેશ તરફ મદદનો હાથ નથી લંબાવ્યો. કોરોનાથી સમાજમાં રહેલી ખામીઓ છતી થઈ છે.