- પાન કાર્ડ સૌથી વધુ જરૂરી દસ્તાવેજ છે
- તમારું PAN કાર્ડ ચોરાઈ જાય તો તમે શું કરશો?
સિમ કાર્ડથી લઈને કાર ખરીદવા સુધી તમારે એક વસ્તુની જરૂર છે અને તે છે દસ્તાવેજ. આજના સમયમાં આધાર કાર્ડ, ડ્રાઇવિંગ લાઇસન્સ, વોટર આઈડી કાર્ડ જેવા અનેક પ્રકારના દસ્તાવેજો જરૂરી છે. એ જ રીતે પરમેનન્ટ એકાઉન્ટ નંબર એટલે કે PAN કાર્ડ પણ એક મહત્વપૂર્ણ દસ્તાવેજ છે. જો તમે ઈચ્છો છો કે તમારું કોઈ પણ સરકારી કે બિનસરકારી કામ ન અટકે તો તેના માટે તમારે તમારી પાસે જરૂરી દસ્તાવેજ રાખવા જરૂરી છે. દરેક કામ માટે આધાર કાર્ડ સહિત અન્ય ઘણા પ્રકારના દસ્તાવેજોની જરૂર પડે છે. ખાસ કરીને એ દસ્તાવેજો માંથી પાન કાર્ડ સૌથી વધુ જરૂરી છે.
બેંક ખાતું ખોલાવવા, CIBIL સ્કોર ચેક કરવા, લોન લેવા, PFનું કામ કરવા વગેરે માટે તમારી સાથે PAN કાર્ડ હોવું જરૂરી છે. ઘણી વખત એવું બને છે કે PAN કાર્ડ ચોરાઈ જાય છે અથવા તો ખોવાઈ જાય છે. વિચારો કે જો તમારું PAN કાર્ડ ચોરાઈ જાય તો તમે શું કરશો? આજે અમે તમને જણાવશું કે જો તમારું પાન કાર્ડ ચોરાઈ જાય કે ખોવાઈ જાય તો તમે ડુપ્લિકેટ પાન કાર્ડ કેવી રીતે મેળવી શકો છો.
પહેલા આ કામ કરો
જો તમારું PAN કાર્ડ ચોરાઇ જાય કે ખોવાઈ જાય તો સૌપ્રથમ પાન કાર્ડ કાર્યાલયને એ વિશે સૂચના આપો. એ સિવાય ચોરી થઈ ગઈ હોય તો એફઆઈઆર કરાવો અને એ પછી ડુપ્લિકેટ PAN કાર્ડ આ રીતે બનાવો.
સ્ટેપ 1
જો તમારું PAN કાર્ડ ચોરાઈ જાય છે અથવા ક્યાંક ખોવાઈ જાય છે, તો આવી સ્થિતિમાં તમારે પહેલા NSDLની સત્તાવાર વેબસાઈટ પર https://www.onlineservices.nsdl.com/paam/ReprintEPan.html જવું પડશે. પછી અહીં તમારે તમારો PAN નંબર, આધાર કાર્ડ નંબર અને જન્મ તારીખ જેવી અન્ય માહિતી આપવી પડશે.
સ્ટેપ 2
હવે તમારે GSTN નંબર છોડવો પડશે. પછી t અને c પર ક્લિક કરો ત્યાં તમને એક ફોર્મ મળશે એ ભરો અને તેમાં ચોરી થયેલ PAN નંબર નાખો. એ સિવાય આધાર નંબર પણ ભરવા પડે છે.
સ્ટેપ 3
મારે તમારું સરનામું અને પિન કોડ નંબર ભરવાનો રહેશે જ્યાં તમે તમારું પાન કાર્ડ મેળવવા માંગો છો. માહિતી ભરી દીધા પછી હવે તમારે ફી ભરવા માટે આ લિંક https://www.pan.utiitsl.com/PAN_ONLINE/homereprint પર ક્લિક કરવાનું રહેશે.
સ્ટેપ 4
ડુપ્લિકેટ PAN કાર્ડ મેળવવા માટે તમારે 50 રૂપિયાની ફી ભરવી પડે છે અને એક વખત પેમેન્ટ થયા પછી તમારા ઘરે નવું ડુપ્લિકેટ PAN કાર્ડ આવી જાય છે.
