આ છે છત અને દીવાલ વિનાની હોટ અહીંયા એક રાત રહેવાની કિંમત જાણીને લાગશે આંચકો

આજ સુધી તમે એકથી એક ચઢિયાતી હોટલ જોઈ હશે. લક્ઝુરિયસ રૂમ સાથે દરેક પ્રકારની સુખ-સુવિધા હશે. પરંતુ શું તમે ક્યારેય છત અને દિવાલ વિનાની હોટલ જોઈ છે? આ મજાક નથી દુનિયામાં ખરેખર આ પ્રકારની હોટલ આવેલી છે. અહીં લોકો રહેવા પણ આવે છે.

જી હા આ હોટલમાં ના તો તમને છત જોવા મળશે ના તો દિવાલ. અહીં રિસેપ્શન પણ નથી અને બાથરૂમ પણ નથી. આ હોટલમાં તમને મળશે માત્ર ખુલ્લું આકાશ અને એક બૅડ. હોટલમાં બૅડ સિવાય ટેબલ રાખવામાં આવ્યું છે.

તમને જણાવી દઇએ આ હોટલ સ્વિટ્ઝરલેન્ડમાં સ્થિત છે જેનું નામ 'Null Stern'છે. આ હોટલની ખાસિયત છે કે આ હોટલનો રૂમ જોયા પછી તમને અહીં રહેવાનું મન થઈ જશે. ફોટોમાં જોઈ શકો છો તેમ આસપાસ સુંદર પહાડો વચ્ચે એક બૅડ મૂકવામાં આવ્યો છે જે પર્વતોની વચ્ચોવચ આવેલો છે. છતના રૂપે ખુલ્લું આકાશ અને દિવાલોના બદલે હરિયાળી તમારું મન મોહી લેશે.

સ્વિટ્ઝરલેંડના 2 આર્ટિસ્ટ ફ્રેંક અને રિકલિને આ હૉટલ બનાવી છે. ધીરે-ધીરે આ હોટલ એટલે ફેમસ થઈ કે પ્રવાસીઓ માટે પણ આને ખુલ્લી મૂકાઈ. જો તમે પણ આ હોટલમાં જવા માગો છો તો એક રાત અહીં રહેવાના તમારે 250 સ્વિસ ફેંક્સ એટલે કે 17 057 રૂપિયા ચૂકવવા પડશે.