મહામારી / મંકિપોક્સને અટકાવવાનો ઉપાય મળી ગયો ! વેક્સિન નહીં આ કામ કરવું પડશે, WHOના ખુલાસાથી દુનિયાને મળી રાહત

• દુનિયાના 12 દેશમાં ફેલાયો મંકિપોક્સ
• WHOએ આપ્યું નવું એલર્ટ 
• મંકિપોક્સને અટકાવવા વેક્સિનેશનની જરુર નથી
• સેફ સેક્સ અને સાફસફાઈની જરુર

વિશ્વ આરોગ્ય સંગઠને મંકીપોક્સને લઇને નવું એલર્ટ આપ્યું છે. વિશ્વ આરોગ્ય સંગઠને કહ્યું કે મંકિપોક્સને અટકાવવા માટે વેક્સિનેશનની જરુર નથી પરંતુ લોકોએ સેફ સેક્સ અને સાફ-સફાઈ પર વધુ ધ્યાન આપવાની જરુર છે. આટલું કરીશું તો મંકિપોક્સ ફેલાતો અટકી જશે. ડબ્લ્યુએચઓએ તાજેતરમાં જ નવી ચેતવણી જારી કરી હતી, જેમાં કહેવામાં આવ્યું હતું કે મંકીપોક્સનો ફેલાવો રોકવા માટે કોરોના જેવા રસીકરણ કાર્યક્રમની જરૂર નથી, પરંતુ સલામત સેક્સ માણવા અને સ્વચ્છતાનું ધ્યાન રાખીને તેને કાબૂમાં કરી શકાય છે.

મંકીપોક્સ માટે રસીકરણ જરૂરી નથી
વર્લ્ડ હેલ્થ ઓર્ગેનાઇઝેશને જણાવ્યું હતું કે મંકીપોક્સની સુરક્ષા માટે રસીનો પુરવઠો અને એન્ટિ-વાયરલ સારવારની તાત્કાલિક જરૂર નથી. ડબ્લ્યુએચઓ તરફથી આ નિવેદન એવા સમયે આવ્યું છે જ્યારે યુએસ સીડીસીએ કહ્યું છે કે તેણે મંકીપોક્સ અને સ્મોલપોક્સની સારવાર માટે જેવાયએનઓએસ રસી રસી જાહેર કરી છે. 1958માં, આફ્રિકામાં મંકીપોક્સનો પ્રથમ કેસ નોંધાયો હતો, જે પછી આ રોગને સ્થાનિક જાહેર કરવામાં આવ્યો હતો.

જે દેશોમાં નથી ફેલાયો ત્યાં હવે ફેલાશે મંકિપોક્સ વાયરસ 
વર્લ્ડ હેલ્થ ઓર્ગેનાઇઝેશન (WHO) જેમણે મંકીપોક્સને લઇને પણ ચેતવણી આપી છે. ડબ્લ્યુએચઓએ જણાવ્યું હતું કે જે દેશોમાં ચેપ ફેલાયો નથી, ત્યાં મંકીપોક્સના વધુ કેસ નોંધાઈ શકે છે. મંકીપોક્સ એવા લોકોમાં ફેલાઈ રહ્યું છે જે કોઈ કારણસર શારીરિક સંપર્કમાં આવ્યા છે.

મનુષ્યમાં સેક્સ દ્વારા મંકીપોક્સ વધુ ફેલાઈ રહ્યો છે
ડબ્લ્યુએચઓના અધિકારી ડેવિડ હેમેને કહ્યું, "એવું લાગે છે કે મનુષ્યમાં સેક્સ દ્વારા મંકીપોક્સ વધુ ફેલાઈ રહ્યો છે અને તેથી જ વિશ્વભરમાં કેસ વધી રહ્યા છે. ડબ્લ્યુએચઓ અનુસાર દક્ષિણ આફ્રિકાના દેશોમાં દર વર્ષે હજારો લોકોને મંકીપોક્સનો ચેપ લાગે છે.

શું છે મંકીપોક્સ ? 

મંકી પોક્સ એક દુર્લભ અને ગંભીર વાયરલ બીમારી છે.
ફ્લૂ જેવી બીમારી છે જેમાં લિમ્ફ નોડ્સમાં સોજો આવે છે.
ચહેરા અને શરીર પર દાણા દાણા જેવું જોવા મળે છે 
સંક્રમણ 2થી 4 અઠવાડિયા સુધી ચાલે છે
આ વાયરસ લોકોમાં સરળતાથી નથી ફેલાતો
દર્દીના શરીરના પ્રવાહી કે મંકીપોક્સના જખમના સંપર્કથી ફેલાય છે.  
વાંદરાઓ, ઉંદરો અને ખિસકોલી જેવા ચેપગ્રસ્ત પ્રાણીઓના સંપર્કથી ફેલાઇ શકે છે.
વાયરસથી દૂષિત વસ્તુઓ, જેમ કે પથારી અને કપડાંના સંપર્ક દ્વારા પણ ફેલાય છે.

કેવા હોય છે લક્ષણો?
તાવ, માથાનો દુઃખાવો, સોજા, પીઠ દર્દ, માંસપેશીઓમાં દુઃખાવો થાય છે
એકવાર તાવ ઉતરી જાય પછી આખા શરીરમાં ફોલ્લીઓ થાય છે. 
ચહેરા પર ફોલ્લીઓ થવાની શરુઆત થાય છે.
સામાન્ય રીતે હાથની હથેળીઓ અને પગના તળિયામાં ફોલ્લીઓ જોવા મળે છે. 
ફોલ્લીઓને કારણે ખંજવાળ પણ વધારે આવે છે.
ધીરે ધીરે ફોલ્લીઓ સુકાઇ જતા પોપડાની જેમ ખરી પડે છે અને ડાઘ પડે છએ. 
14થી 21 દિવસ સુધી આ ચેપ જોવા મળે છે.