શોધ / ગુમ થયેલા AN-32 વિમાન મળવાના કોઇ સંકેત નહીં, સર્ચ ઓપરેશન યથાવત્

વિમાનમાં કુલ 13 લોકો સવાર હતા, જેમાં 8 ક્રુ મેમ્બર અને 5 અન્ય લોકો સામેલ છે. ભારતીય વાયુસેના વિમાનની શોધ કરવાને લઇને દરેક પ્રકારની વ્યવસ્થા કરી રહી છે. જેમાં સી-130જે, સી 130 હરક્યૂલિસ, સુખોઇ સૂ-30 ફાઇટર જેટ સામેલ છે. આ સિવાય મેદાનમાં તૈનાત સૈનિક પણ વિમાનની શોધખોળ કરી રહ્યાં છે.

ભારતીય વાયુસેનાએ જણાવ્યું છે કે કેટલાંક મળતાં અહેવાલ મુજબ સંભવિત દૂર્ઘટના સ્થળ મળી આવ્યું હોવાની જાણકારી મળી રહી છે. ઇન્ડિયન એરફોર્સના વિમાનની શોધ માટે ભારતીય સેના, અલગ સરકારી અને સિવલ એજન્સીઓ સાથે કામ કરી રહ્યું છે. ભારતીય સેનાના હવાઇ અને જમીની દળો દ્વારા રાતથી જ સર્ચ ઓપરેશન શરૂ કરવામાં આવ્યું છે. 

ભારતીય વાયુસેનાનું AN-32 વિમાન ઉડાન ભર્યાના 35 મિનિટ  બાદ જ લાપતા થઇ ગયું હતું. વિમાનમાં 13 લોકો સવાર હતા, જેમાં સાત અધિકારી સામેલ છે. આ વિમાન સાથે છેલ્લે ગ્રાઉન્ડ સ્ટાફને સોમવારે બપોરે સંપર્ક થયો હતો. ત્યારબાદથી હજુ સુધી વિમાન સાથે કોઇ સંપર્ક થયો નથી.  ઉલ્લેખનીય છે કે વાયુસેનાનું AN-32 વિમાન આસામના જોરહાટથી અરુણાચલ પ્રદેશ માટે ઉડાન ભર્યા બાદ ગાયબ થઇ ગયું હતું.