આ મહિને એટલે કે સપ્ટેમ્બરમાં પણ ઘરેલૂ ગેસ પર સબસિડી નહીં મળે, પરંતુ શું તમે ધ્યાન આપ્યું કે, છેલ્લા 4 મહિનાથી તમારા ખાતામાં ગેસ સબસિડીના પૈસા નથી આવી રહ્યાં. સરકારે મે મહિનામાં તમારા ખાતામાં મળતી ગેસ સબસિડી ખતમ કરી દીધી છે. તેની પાછળનું સૌથી મોટી કારણ એપ્રિલમાં આંતરરાષ્ટ્રીય બજારમાં એલપીજીના ભાવમાં તીવ્ર ઘટાડા બાદ મે મહિનામાં ઘરેલૂ સિલિન્ડરોના બજાર ભાવ 162.50 રૂપિયા ઘટીને 581.50 રૂપિયા કરી દેવાયા છે, જેનાથી સબસિડી અને સબસિડી વગરના સિલિન્ડરોની કિંમત એક થઈ ગઈ છે. સપ્ટેમ્બરમાં પણ સ્થાનિક એલપીજીના ભાવમાં કોઈ ફેરફાર કરવામાં આવ્યો નથી.
LPG સિલેન્ડરને લઈને આવ્યા કામના સમાચાર
છેલ્લા 4 મહિનાથી ખાતામાં ગેસ સબસિડીના પૈસા નથી આવી રહ્યાં
સરકારે મે મહિનામાં તમારા ખાતામાં મળતી ગેસ સબસિડી ખતમ કરી દીધી છે
સૂત્રો મુજબ કેન્દ્ર સરકારે મે મહિનામાં ઘરેલૂ એલપીજી સિલિન્ડરના ભાવમાં ફેરફાર કરતી વખતે જ ગેસ સબસિડીને સમાપ્ત કરવાનો નિર્ણય લીધો હતો, જેના કારણે ગ્રાહકોને મે, જૂન અને જુલાઈમાં ગેસ લીધા પછી પણ સબસિડી પૈસા ટ્રાન્સફર કરવામાં આવ્યા નથી.
ગેસ સિલિન્ડરના બજાર ભાવ અથવા સબસિડી વિના સિલિન્ડરના ભાવમાં નોંધપાત્ર ઘટાડો થયો છે. આ દરમિયાન સબસિડીવાળા ગેસ સિલિન્ડરના ભાવમાં વધારો થયો છે. એવામાં બે સિલિન્ડરો વચ્ચેનો ભાવ તફાવત લગભગ ખતમ થઈ ગયો છે. આ જ કારણ છે કે સરકારે હવે ઘરેલૂ ગેસ સિલિન્ડરોને સબસિડી આપવાનું બંધ કરી દીધું છે.
થઈ આ અસર
એલપીજી સિલિન્ડરો પર મળતી સબસિડીમાં છેલ્લા એક વર્ષથી સતત ઘટાડો કરવામાં આવી રહ્યો છે. એટલા માટે સબસિડીવાળા સિલિન્ડર 100 રૂપિયા મોંઘા થઈ ગયા છે. આ સાથે, તેના પર મળતી સબસિડી ઘટાડીને શૂન્ય કરી દેવામાં આવી છે. દેશની રાજધાની દિલ્હીમાં ગયા વર્ષે જુલાઈમાં 14.2 કિલો એલપીજી સિલિન્ડરનો બજાર ભાવ 637 રૂપિયા હતો, જે હવે ઘટીને 594 રૂપિયા પર આવી ગયો છે. જો આનાથી વધારે સિલિન્ડર જોઈએ છે, તો તમારે બજાર ભાવે ખરીદવું પડશે.