રાજ્યોમાં ઉપયોગમાં ન લેવાયેલી રસીની સંખ્યા ગત મહિને લગભગ બે ગણી થઈ ગઈ છે. હાલ રાજ્યો પાસે 10 કરોડ ડોઝનો સ્ટોક છે.
ઉપયોગમાં ન લેવાયેલી રસીની સંખ્યા ગત મહિને લગભગ બે ગણી થઈ
રસીકરણ કાર્યક્રમ હેઠળ રાજ્યો પાસે 10 કરોડથી વધારે રસીના ડોઝ
આ મહિનાની શરૂઆતમાં આ સંખ્યા 5 કરોડ હતી
ઉપયોગમાં ન લેવાયેલી રસીની સંખ્યા ગત મહિને લગભગ બે ગણી થઈ
કોરોનાની વિરુદ્ધ દેશમાં રસીકરણ અભિયાન ચાલી રહ્યું છે. જો કે આ દરમિયાન રસીનો સ્ટોક સતત વધી રહ્યો છે. સરકારી આંકડા અનુસાર વિભિન્ન રાજ્યોમાં ઉપયોગમાં ન લેવાયેલી રસીની સંખ્યા ગત મહિને લગભગ બે ગણી થઈ ગઈ છે. ઉલ્લેખનીય છે કે ઓક્ટોબરની શરુઆતમાં તેની સંખ્યા 5 કરોડની નજીક હતી. જે વધીને 10 કરોડ થઈ છે. દેશમાં રસીની કોઈ અછત નથી.
રસીકરણ કાર્યક્રમ હેઠળ રાજ્યો પાસે 10 કરોડથી વધારે રસીના ડોઝ
સ્વાસ્થ્ય અને પરિવાર કલ્યાણ મંત્રાલયના એક વરિષ્ઠ અધિકારીએ નામ ન આપવાની શરતે કહ્યું કે નવા આંકડા અનુસાર રસીકરણ કાર્યક્રમ હેઠળ 10 કરોડથી વધારે રસીના ડોઝ રવિવાર સુધી રાજ્યો પાસે પડ્યા હતા. રાજ્યોની પાસે પુરતા ડોઝ છે. આ સંખ્યા બે ગણી થઈ ગઈ છે.
આ મહિનાની શરૂઆતમાં આ સંખ્યા 5 કરોડ હતી
આંકડા અનુસાર એક અઠવાડિયા પહેલા લગભગ 8 કરોડ ડોઝ ઉપલબ્ધ હતા. આ મહિનાની શરૂઆતમાં આ સંખ્યા 5 કરોડ હતી. કેન્દ્રના અન્ય અધિકારીઓએ કહ્યું કે દૈનિક ડોઝની સંખ્યાની સરખામણીમાં સપ્લાયમાં ઘણો વધારો થયો છે. એટલો વધારે કે લગભગ દર બીજા દિવસે રાજ્યો એક જ દિવસમાં વધારે ડોઝ આપવાનું કહે છે. સપ્લાય કોઈ મુદ્દો નથી.
અત્યાર સુધી 97.65 કરોડ ડોઝ અપાઈ ચૂક્યા
રસીના સપ્લાયમાં વૃદ્ધિને દેશમાં સમગ્ર રસી ઉત્પાદનમાં વૃદ્ધિ અને સારી લોજિસ્ટિક વ્યવસ્થાના કારણે જણાવવામાં આવે છે. ઉલ્લેખનીય છે કે રાજ્યોની પાસે હવે કોવિશીલ્ડ ડોઝ લગભગ 22.2 કરોડ છે. ત્યારે લગભગ 60 લાખ કોવૈક્સીનના ડોઝ પણ રાજ્યોની પાસે છે. રવિવાર સુધીના સરકારી આંકડા અનુસાર રાષ્ટ્રીય રસીકરણ કાર્યક્રમ અંતર્ગત રાજ્યો અને કેન્દ્ર શાસિત પ્રદેશોને ઓછામાં ઓછા 100 કરોડ રસીના ડોઝ આપવામાં આવ્યા છે. લોકોને અત્યાર સુધી 97.65 કરોડ ડોઝ અપાઈ ચૂક્યા છે.
Zydus Cadila 60 લાખ ડોઝ ઉપલબ્ધ કરાવે તેવી શક્યતા
એક અધિકારીએ કહ્યું, આવનારા અઠવાડિયામાં સપ્લાલ હજું વધવાનો છે. કેમ કે Zydus Cadilaના એન્ટી કોવિડ રસીને પણ યાદીમાં જોડનારી આશા છે. કંપની જલ્દી જ 60 લાખ ડોઝ ઉપલબ્ધ કરાવે તેવી શક્યતા છે. આને લઈને વાતચીત ચાલી રહી છે.