નેશનલ / અરવિંદ કેજરીવાલને રાહત નહીં, ન્યાયિક કસ્ટડી 20 ઓગસ્ટ સુધી લંબાઈ, રાઉઝ એવન્યુ કોર્ટનો નિર્ણય

દિલ્હી એક્સાઇઝ પોલિસીના કથિત કૌભાંડ સાથે સંબંધિત કેસની સુનાવણી કરતી વખતે દિલ્હીની રાઉઝ એવન્યુ કોર્ટે સીએમ અરવિંદ કેજરીવાલની ન્યાયિક કસ્ટડી 20 ઓગસ્ટ સુધી લંબાવી છે. તેને તિહાર જેલમાંથી વીડિયો કોન્ફરન્સિંગ દ્વારા રજૂ કરવામાં આવ્યા હતો. અરવિંદ કેજરીવાલ લાંબા સમયથી તિહાર જેલમાં બંધ છે. કોર્ટે કેજરીવાલને લોકસભા ચૂંટણી 2024 દરમિયાન પ્રચાર કરવા માટે જામીન આપ્યા હતા. દિલ્હીમાં ચૂંટણી પ્રચાર પૂરો થયા બાદ કેજરીવાલ તિહાર જેલમાં છે.

દિલ્હી હાઈકોર્ટે પણ કેજરીવાલની જામીન અરજી ફગાવી દીધી છે. હવે અરવિંદ કેજરીવાલ હાઈકોર્ટના આદેશ સામે સુપ્રીમ કોર્ટમાં જઇ શકે છે. હાઈકોર્ટના આદેશ બાદ હવે અરવિંદ કેજરીવાલ જેલમાંથી બહાર નહીં આવી શકે. સીબીઆઈ કેસમાં ધરપકડને ગેરકાયદેસર જાહેર કરતી અરજી પણ કોર્ટે ફગાવી દીધી છે. આ સાથે કોર્ટે કેજરીવાલની વચગાળાની જામીન અરજી પણ ફગાવી દીધી છે. હાઈકોર્ટે જામીન માટે નીચલી કોર્ટમાં જવાનું કહ્યું છે.

5 સપ્ટેમ્બરે સુનાવણી હાથ ધરવામાં આવશે

દિલ્હી હાઈકોર્ટે બુધવારે એન્ફોર્સમેન્ટ ડિરેક્ટોરેટ (ED) ને પૂછ્યું કે મુખ્ય પ્રધાન અરવિંદ કેજરીવાલને આપવામાં આવેલા જામીનને પડકારતી અરજીમાં કયું પાસું બાકી છે, જ્યારે તેમને એક્સાઇઝ સંબંધિત મની લોન્ડરિંગ કેસમાં સુપ્રીમ કોર્ટ દ્વારા વચગાળાના જામીન આપવામાં આવ્યા છે.

નવી તારીખ માંગવા પર જસ્ટિસ કૃષ્ણાએ કહ્યું, “છેલ્લી વખતે પણ સ્થગિત કરવાની માંગ કરવામાં આવી હતી. તમે કોર્ટને દર વખતે વિનંતી કરી શકતા નથી, જાણે કોર્ટ પાસે અન્ય કોઈ કામ નથી. તમારે તે મુજબ તમારી ડાયરી એડજસ્ટ કરવી પડશે. એવું ન વિચારો કે કોર્ટ તમને વિચાર્યા વિના તારીખ આપશે.

વધું વાંચો : વિપક્ષના વિરોધ વચ્ચે લોકસભામાં વકફ બિલ રજૂ, કોંગ્રેસે કહ્યું- આ બંધારણ પર હુમલો

ઇડીના વકીલે સ્પષ્ટતા કરી હતી કે છેલ્લી વખત તારીખની માંગ તપાસ એજન્સીએ નહીં પરંતુ તમારા વકીલ દ્વારા કરવામાં આવી હતી. તેમણે હાઈકોર્ટને આ કેસ પર બહેસ માટે નજીકની તારીખ આપવા વિનંતી કરી હતી. આ મામલો હવે 5 સપ્ટેમ્બરે સુનાવણી હાથ ધરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ