મની લોન્ડરિંગ / શિવકુમારને કોઇ રાહત નહીં, વધુ 5 દિવસ રહેવું પડશે ED ની કસ્ટડીમાં

• શિવકુમારના 5 દિવસના રિમાન્ડ વધારાયા
• 317 ખાતા દ્વારા મની લોન્ડરિંગ કર્યું હોવાનો ખુલાસો
• મની લોન્ડરિંગ કેસમાં શિવકુમારની દીકરીની પણ કરાઇ પૂછપરછ

પાંચ દિવસના વધારાયા રિમાન્ડ

ઇડીના રાઉઝ એવેન્યુ કોર્ટે જણાવ્યું કે, શિવકુમારની કેટલીક સંપત્તિ બેનામી છે અને 317 ખાતા દ્વારા મની લોન્ડરિંગ કરેલ છે. ઇડીએ કહ્યું કે, શિવકુમાર વિરૂદ્ધ તપાસ મુજબ, મળી આવેલ રકમ 200 કરોડથી વધારે છે અને આશરે 800 રૂપિયાના મૂલ્યની બેનામી સંપત્તિ છે. સાથે જ અદાલતે શિવકુમારના રિમાન્ડમાં પાંચ દિવસના વધારાની માગને સ્વીકારી છે. 

Congress leader DK Shivakumar sent to Enforcement Directorate custody till September 17 by a Delhi court in a money laundering case. pic.twitter.com/oMZW9QJMXA

— ANI (@ANI) September 13, 2019

ઇડીને અદાલતનો સવાલ

ઇડીના જણાવ્યા અનુસાર, શિવકુમાર એવી માહિતી આપતા નથી જેની જાણકારી માત્ર તેની પાસે જ છે. અદાલતે ઇડીને પૂછ્યું કે શિવકુમાર આગામી પાંચ દિવસમાં શું સવાલના જવાબ આપશે ? તમારે તેમને કસ્ટડીમાં લેવાની જરૂરીયાત શું છે ? ઇડીએ કહ્યું કે, કેટલાક આરોપીઓનું નિવેદન છે કે શિવકુમારનો સામનો તેમની સાથે કરાવવામાં આવે.

શિવકુમારની દીકરીની પણ કરાઇ ધરપકડ 

ઉલ્લેખનીય છે કે, શિવકુમારને મની લોન્ડરિંગના એક કેસ મામલે 3 સપ્ટેમ્બરની રાત્રે ધરપકડ કરવામાં આવ્યા છે. ઇડીએ શિવકુમાર, દિલ્હીમાં કર્ણાટક ભવનના કર્મચારી હનુમનથૈયા અને અન્યની વિરૂદ્ધ ગત વર્ષે સપ્ટેમ્બરમાં મની લોન્ડરિંગનો મામલો નોંધ્યો હતો. 

શિવકુમારની તબિયત બગડતા તેમને દિલ્હીની RML હોસ્પિટલમાં દાખલ કરવામાં આવ્યા હતા. શિવકુમારને મળવાની માત્ર તેના ભાઇ ડી.કે. સુરેશ અને કર્ણાટકના પૂર્વ મુખ્યમંત્રી સિદ્ધારમૈયા ગુરૂવારે પહોંચ્યા હતા. પરંતુ તેમને મળવાની મંજૂરી આપી નહોંતી.  મની લોન્ડરિંગ મામલે ગુરૂવારે શિવકુમારની દીકરી એશ્વર્યાની પણ પૂછપરછ કરવામાં આવી હતી. ઇડીએ 7 કલાક પૂછપરછ કરી હતી.