બજેટની તૈયારી હવે શરૂ થઇ ચૂકી ચે. સરકારની સામે અર્થવ્યવસ્થામાં સુસ્તી, ગ્રોથ રેડ ઘટવા જેવા તમામ પડકારો છે. જનતાને આશા છે કે સરકાર ઇન્કમ ટેક્સમાં ફેરફરા કરશે, પરંતુ મળતી માહિતી અનુસાર, આ બજેટમાં ઇન્કમ ટેક્સ રેટમાં કપાતની કોઇ સંભાવના નથી.
સરકાર આવકવેરા દરમાં ઘટાડો કરે તેની શકયતા નહીંવત
સરકાર સામે ઘટતો ગ્રોથ રેટ અને ફિસ્કલ ડેફિસિટનું સતત ખાડે જવું આ બે મુખ્ય પડકારો છે
સરકારનું કહેવું છે કે અમેરિકા, ચીન અને બ્રિટન જેવા દેશોમાં ઇન્કમ ટેક્સ રેટ ખુબ વધુ છે
સૂત્રો દ્વારા મળતી માહિતી અનુસાર, આ બજેટમાં ઇન્કમ ટેક્સ રેટમાં કપાતને લઇને સરકાર હાલ કંઇ વિચારી રહી નથી. રાજકોષીય ખાધ (ફિસ્કલ ડેફિસિટ)ના ખાડાને સરકાર ઓછો કરવા માગે છે, તેવામાં ઇન્કમ ટેક્સ રેટ કટ થવાની સંભાવના ક્યાંય દેખાઇ રહી નથી.
બીજી તરફ, અલગ-અલગ મંત્રાલયોના અધિકારીઓનું કહેવું છે કે, ચીન, અમેરિકા અને બ્રિટેન જેવા દેશોમાં ઇન્કમ ટેક્સ રેટ અહીંના મુકાબલે ખુબ વધુ છે.
કૉર્પોરેટ ટેક્સ રેટ કટ થયા બાદ આશા જાગી
જોકે, સપ્ટેમ્બર મહિનામાં સરકારે કૉર્પોરેટ ટેક્સ રેટ કટનું એલાન કર્યું હતું. હવે નવી કંપનીઓ માટે કૉર્પોરેટ ટેક્સ ઘટાડીને 15 ટકા કરી દીધો છે. સરકારના આ નિર્ણય બાદ સંભાવના વ્યક્ત કરાઇ રહી હતી કે ઇન્કમ ટેક્સ રેટમાં પણ કપાત થશે. હાલમાં સુપર રિચ લોકોને કુલ 42 ટકા સુધી ઇન્કમ ટેક્સ આપવો પડી રહ્યો છે.
વધુ ટેક્સ પર સોશિયલ સિક્યૉરિટી સરકારની જવાબદારી
જે લોકો ઇન્કમ ટેક્સ રેટ કટના પક્ષમાં છે તેમનું કહેવું છે કે અન્ય દેશોમાં જો વધુ ટેક્સ લગાવે છે તો (સોશલ સિક્યૉરિટી) સરકાર સામાજિક સુરક્ષા ઉપલબ્ધ કરાવે છે. ત્યાં સરકારી હોસ્પિટલ અને સ્કૂલ સારી હાલતમાં છે અને આ વસ્તુમાં થનાર ખર્ચ બહુ જ ઓછા છે. પરંતુ ભારતમાં સોશલ સિક્યૉરિટીને લઇને અત્યાર સુધી બહુ કંઇ નથી કરવામાં આવ્યું. અમેરિકા અને બ્રિટેનમાં 90 ટકાથી વધુ વિદ્યાર્થીઓ સરકારી શાળાઓમાં અભ્યાસ કરે છે, જ્યારે હેલ્થકેર પર તેમનો ખર્ચ 10-15 ટકા સુધી છે. એવી તમામ સુવિધાઓ સરકારી અને મફત છે. આ મામલાઓમાં ભારત ખુબ પાછળ છે.
5 લાખ સુધી ઇન્કમ ટેક્સ પર છૂટ યથાવત્ રહી શકે છે
જોકે, આ વાતની સંભાવના છે કે ફેબ્રુઆરીમાં રજૂ થનાર બજેટમાં સરકાર 5 લાખ સુધી ઇન્કમ પર ટેક્સમાં મળી રહેલ છૂટને યથાવત્ રાખે. આ સિવાય રોકાણ પર મળનારી છૂટથી લોકોને 6.5 લાખ રૂપિયા સુધીની કમાણી પર કોઇ ટેક્સ નહીં આપવો પડે. વર્તમાન સરકાર સોશલ સિક્યૉરિટીની દિશામાં ધીરે-ધીરે આગળ વધી રહી છે. પેન્શન સ્કીમ અને પ્રવિડેન્ડ ફંડમાં રોકાણ પર ટેક્સથી રાહત મળે છે.