જમ્મુ- કાશ્મીર / શું નક્કી તારીખે જમ્મુ- કાશ્મીરમાં પંચાયતની ચૂંટણી નહીં યોજાય ? ECએ શિડ્યૂલ પાછું ખેંચ્યું

• જમ્મુ કશ્મીર ચૂંટણી કમિશને શિડ્યૂલ પરત ખેંચ્યુ
• પહેલા-બીજા તબક્કાનુ નોટિફિકેશન પરત ખેંચાયુ
• 15 દિવસમાં ફરી નવુશિડ્યૂલ જાહેર થવાથી શક્યતા

કાશ્મીરનુ રાજકારણ ગરમાયું છે

13 ફેબ્રુઆરીએ ECએશિડ્યૂલ જાહેર કર્યુ હતું . જેમાં તેઓએ 5 માર્ચથી કાશ્મીરમાં પંચાયતની ચૂંટણી થશે એવી જાહેરાત કરી હતી. જોકે ચૂંટણી કમિશને આ ચૂંટણીનુંશિડ્યૂલ પાછું ખેંચ્યું છે. જેના કારણે કાશ્મીરનુ રાજકારણ ગરમાયું છે. 

ફારુક અને ઓમર અબ્દુલ્લા પંચાયતની ચૂંટણી લડવાનો નિર્ણય કર્યો હતો

ઉલ્લેખનીય છે કે ફારુક અને ઓમર અબ્દુલ્લા પંચાયતની ચૂંટણી લડવાનો નિર્ણય કર્યો હતો. જૂની તારીખ પ્રમાણે 5 માર્ચથી કાશ્મીર પંચાયતની ચૂંટણી યોજાવાની હતી. જેમાં . નેશનલ કોન્ફરન્સે ચૂંટણી લડવાની વાત કરી હતી.  પક્ષના કેન્દ્રીય સચિવ રતન લાલ ગુપ્તાએ જમ્મુ કાશ્મીરના મુખ્ય ચૂંટણી અધિકારી શૈલેન્દ્ર કુમારને પત્ર લખીને ચૂંટણી લડવાની ઈચ્છા વ્યક્ત કરી હતી. 

શૈલેન્દ્ર કુમારે તે સમયે લખેલા પત્રમાં લખ્યું હતું કે...

શૈલેન્દ્ર કુમારે તે સમયે લખેલા પત્રમાં લખ્યું હતું કે નેશનલ કોન્ફરન્સ લોકતાંત્રિક પ્રક્રિયાની સમર્થક છે. અમે રાજ્યમાં 8 તબક્કામાં 11 હજાર બેઠક માટેની પંચાયત ચૂંટણી લડવા ઈચ્છીએ છીએ, પરંતુ આ પહેલા રાજ્યમાં લાગેલા પ્રતિબંધો હટાવાય. અમારી માંગ છે કે, કાશ્મીરના નજરબંધ નેતાઓને મુક્ત કરાય. જેથી પક્ષ આઝાદ થઈને પ્રચાર કરી શકે. 

પત્રમાં તેમ પણ લખ્યું હતું કે નેશનલ કોન્ફરન્સના અધ્યક્ષ ફારુક અબ્દુલ્લા, ઉપાધ્યક્ષ ઓમર અબ્દુલ્લા અને મહા સચિવ અલી મોહમ્મદ સગર નજરબંધ છે. તેમને પબ્લિક સેફ્ટી એક્ટ હેઠળ અટકાયતમાં લેવાયા છે. આ સ્થિતિમાં અમે કેવી રીતે ચૂંટણી લડીએ? જો એવું હોય કે ભાજપ સિવાય કોઈ ચૂંટણી જ ના લડે, તો વધુ કંઈ કહેવાની જરૂર જ નથી. પરંતુ જો ખરેખર આવું હોય તો તે ચૂંટણીના નિયમોનું ઉલ્લંઘન છે. 

અત્રે નોંધનીય છે કે, જમ્મુ કાશ્મીરમાં 5 ઓગસ્ટે કલમ 370 હટાવ્યા પછી 1000થી વધુ નેતાની અટકાયત કરાઈ હતી, જેમાંથી કેટલાકને તબક્કાવાર મુક્ત કરાયા હતા. જોકે, ફારુક અબ્દુલ્લા, ઓમર અબ્દુલ્લા અને મહેબૂબા મુફ્તી સહિત અનેક નેતાઓ હજુ નજરબંધ છે.