અર્થતંત્ર / બેંકોના મર્જરથી નોકરીઓ જશે કે નહીં તેનો જવાબ આપ્યો નાણામંત્રીએ, મનમોહનસિંહે આપી આ સલાહ

સીતારમણે નોકરી જવા વિશે બેન્ક યૂનિયનોની ચિંતાઓ વિશે પત્રકારો સાથેની વાતચીતમાં કહ્યું, 'આ બિલકુલ પાયાવિહોણી વાત છે. હું દરેક બેન્કના તમામ યૂનિયનો અને લોકોને આશ્વસ્ત કરવા માંગુ છું કે તે શુક્રવારે મારા દ્વારા કરવામાં આવેલી વાતને યાદ કરે. જ્યારે અમે બેન્કોના મર્જરની વાત કરી તો મેં સ્પષ્ટપણે કહ્યું હતું કે કોઇપણ કર્મચારીને હટાવાશે નહીં. કોઇને પણ નહીં.' 

નિર્મલા સીતારમણ બેન્કોના પ્રસ્તાવિત મર્જરનો બેન્કના કર્મચારી યૂનિયનો દ્વારા વિરોધ કરવા અંગેના સવાલ પર જવાબ આપી રહી હતી. નિર્મલા સીતારમણે શુક્રવારે 10 સરકારી બેન્કોનું મર્જર કરી 4 બેન્ક બનાવવાની જાહેરાત કરી હતી. આ નિર્ણય દેશમાં મજબૂત અને વૈશ્વિક કક્ષાની મોટી બેન્ક ગઠિત કરવાના હેતુથી લેવામાં આવ્યો છે. આશા છે કે મર્જર બાદ નવી બેન્ક અર્થવ્યવસ્થાના દેવાની જરૂરતને પૂર્ણ કરવા અને ભારતને 5000 અરબ ડોલરની અર્થવ્યવસ્થા બનાવવાના લક્ષ્યમાં અધિક મદદગાર થઇ શકશે. 

સરકારે શુક્રવારે સાર્વજનિક ક્ષેત્રની 10 મોટી બેન્કોનું મર્જર કરી 4 બેન્ક બનાવવાની જાહેરાત કરી છે. આ મુજબ, પીએનબીમાં ઓરિએન્ટલ બેન્ક ઓફ કોમર્સ અને યુનાઇટેડ બેન્ક ઓફ ઇન્ડિયાનું, કેનેરા બેન્કમાં સિન્ડિકેટ બેન્કનું, યૂનિયન બેન્ક ઓફ ઇન્ડિયામાં આંધ્રા બેન્ક અને કોર્પોરેશન બેન્કનું અને ઇન્ડિયન બેન્કમાં અલાહાબાદ બેન્કનું મર્જર કરવામાં આવશે. મર્જર બાદ કુલ સરકારી બેન્કની સંખ્યા 12 રહી જશે. 

મનમોહન સિંહે આપી હતી આ સલાહ

પૂર્વ વડાપ્રધાન મનમોહન સિંહે કહ્યું હતું, 'ભારતીય અર્થવ્યવસ્થા સતત ઝટકાને સહન નહી કરી શકે. તેથી હું સરકારને આગ્રહ કરું છું કે તે રાજનૈતિક બદલાની ભાવનાને બાજૂમાં મુકી અને એક્સપર્ટ્સ સાથે વાતચીત કરી અર્થવ્યવસ્થાને (મંદીમાંથી) બહાર કાઢે જે સરકાર દ્વારા પેદા કરવામાં આવેલા સંકટમાં ફસાઇ ગઇ છે. ચાલૂ નાણાકીય વર્ષના ફર્સ્ટ ક્વાર્ટરમાં આર્થિક વિકાસ ઘટીને 5 ટકા પર પહોંચી ગયો છે. જે 6 વર્ષના સૌથી નીચલા સ્તરે છે.