મોટું નિવેદન / ઇઝરાયલ-અમેરિકા બાદ ભારત ત્રીજા નંબરનો દેશ, જેની સાથે કોઇ પણ....: અમિત શાહની દુશ્મનોને વોર્નિંગ

• કેન્દ્રીય ગૃહમંત્રી અમિત શાહનો દુશ્મનોને જડબાતોડ જવાબ
• ભારતની સરહદ અને સેના સાથે કોઈ છેડછાડ કરી શકે નહીં: અમિત શાહ 
• ભારત સરહદોમાં દખલગીરી સહન નહીં કરે: અમિત શાહ 
• સર્જિકલ સ્ટ્રાઈક અને એર સ્ટ્રાઈક પછી આખી દુનિયામાં સંદેશ ગયો: અમિત શાહ 

કેન્દ્રીય ગૃહમંત્રી અમિત શાહે એક ખાનગી ન્યૂઝ ચેનલમાં દુશ્મનોને જડબાતોડ જવાબ આપ્યો છે. વાત જાણે એમ છે કે, અગાઉ અનેલ અહેવાલો સામે આવ્યા છે જેમાં એવું કહેવામાં આવ્યું છે કે, ભારતના પાડોશી દેશોમાં ચીની હથિયારોની આયાત નોંધપાત્ર રીતે વધી છે. પાકિસ્તાન અને બાંગ્લાદેશ આમાં ઘણા આગળ છે. શું આનાથી ભારતની સુરક્ષા માટે પણ કોઈ ખતરો છે ? આને લગતો પ્રશ્ન દેશના ગૃહમંત્રી અમિત શાહને પૂછવામાં આવ્યો હતો. 

આ સવાલનો જવાબ આપતા અમિત શાહે કહ્યું કે, આઝાદી પછી દેશ આંતરિક અને બાહ્ય સુરક્ષાના મામલે સૌથી વધુ સુરક્ષિત છે. ભારતની સરહદ અને સેના સાથે કોઈ છેડછાડ કરી શકે નહીં. તેમણે કહ્યું કે, અમેરિકા અને ઈઝરાયેલ પછી ભારત ત્રીજો દેશ છે જેની સાથે છેડછાડ ન થવી જોઈએ.

સીમાઓમાં કોઇની પણ દખલગીરી ભારત સહન નહીં કરે

#AmitShah #VtvGujarati #vtvcard pic.twitter.com/X35ah8WAHI

— VTV Gujarati News and Beyond (@VtvGujarati) March 18, 2023

અમારી સંરક્ષણ નીતિ અને વિદેશ નીતિ સ્પષ્ટ: અમિત શાહ 
અમિત શાહે તાજેતરમાં એક ખાનગી ચેનલના કાર્યક્રમ દરમિયાન કહ્યું કે, અમારી સંરક્ષણ નીતિ અને વિદેશ નીતિ સ્પષ્ટ છે. ભારત સરહદોમાં દખલગીરી સહન નહીં કરે. અગાઉ પાકિસ્તાન તરફથી ઘૂસણખોરીના અહેવાલો આવ્યા હતા, પરંતુ એક વખત સર્જિકલ સ્ટ્રાઈક અને એર સ્ટ્રાઈક પછી ભારતની સરહદોની અંદર કોઈપણ પ્રકારની છેડછાડ કરવાની કોઈની હિંમત નથી. આ બે ઘટનાઓ પછી આખી દુનિયામાં આ સંદેશ ગયો કે, અમેરિકા અને ઈઝરાયેલ પછી ભારત ત્રીજો દેશ છે જેની સાથે છેડછાડ ન કરવી જોઈએ.

કાશ્મીરમાં હવે રોકાણ..... અમિત શાહ 
અમિત શાહે કહ્યું કે, 9 વર્ષમાં કાશ્મીરના આ ત્રણ હોટ સ્પોટ, નોર્થ ઈસ્ટ અને વામપંથી ઉગ્રવાદ જે પરેશાન કરી રહ્યા હતા તેમની સામે કાર્યવાહી કરવામાં આવી હતી. કાશ્મીરમાં હવે રોકાણ આવી રહ્યું છે. અત્યાર સુધીમાં સૌથી વધુ રોકાણ આવ્યું છે. ડાબેરી ઉગ્રવાદી વિસ્તારોમાં ઝારખંડ અને બિહાર તેનાથી સંપૂર્ણપણે મુક્ત થઈ ગયા છે. આંધ્રપ્રદેશ અને ઓડિશામાં લગભગ સમાપ્ત. છત્તીસગઢના 4 જિલ્લાઓમાં આ એક જ બાબત છે અને ટૂંક સમયમાં તેમાં પણ સફળતા મળશે.