વાહનવ્યવહાર / મોટી ચિંતા ટળી : ડ્રાઈવિંગ લાઈસન્સ વગર વાહન હાંકી શકાશે, પણ આ કામ કરવું પડશે, સરકારની નવી સુવિધા

• સરકારે શરુ કરી ડિજિટલ લોકર એપની યોજના
• ડ્રાઈવિંગ લાઈસન્સ સાથે રાખવાની જરુર નહીં પડે 
• ડિજિટલ લોકર એપમાં ડ્રાઈવિંગ લાઈસન્સ રાખી શકાશે

જો હવે તમે ડ્રાઈવિગ લાઈસન્સ લઈ જવાનું ભૂલી ગયા હોય અને રસ્તામાં ચેકિંગ દરમિયાન તમારુ ચાલાણ કપાઈ જાય તો હવે તમારે ચિંતા કરવાની જરુર નથી. સરકારે ડ્રાઈવિંગ લાઈસન્સને ડિજિટલ લોકરમાં રાખવાની મંજૂરી આપી દીધી છે જે હવે પછી હવે તમારે તમારી સાથે ડ્રાઈવિંગ લાઈસન્સની ફિઝિકલ કોપી રાખવાની જરુર  નહીં પડે. ઘણા બધા લોકોએ અત્યાર સુધી આ વાતની ખબર નહોતી પરંતુ હવે તેમની નવી સુવિધા મળી છે. 

શું કામ કરવું પડશે
ડ્રાઈવિંગ લાઈસન્સ વગર વાહન હાંકવું ગુનો છે પરંતુ હવે તમારે ફિઝિકલ ડ્રાઈવિંગ લાઈસન્સ રાખવાની જરુર નથી પરંતુ તમારે સરકારી ડિજિ લોકર એપમાં તમારુ ડ્રાઈવિંગ લાઈસન્સ રાખવું પડશે જે માન્ય ગણાશે અને ચાલાણ પણ નહીં કપાય. તમે ડિજિ લોકર એપમાં રાખેલું ડ્રાઈવિંગ લાઈસન્સ પોલીસને દેખાડી શકો અને પોલીસ તમારુ ચાલાણ નહીં કાપી શકે. 

ડિજી લોકરમાં સુરક્ષિત રાખો ડોક્યુમેન્ટ
ડિજી લોકર એક સરકારી એપ છે જેમાં તમે ડ્રાઈવિંગ લાઈશન્સ સહિત રજિસ્ટ્રેશન સર્ટિફિકેટ અને બીજા વાહન ડોક્યુમેન્ટ રાખી શકો છો. જ્યારે પણ તમને એવું લાગે કો ચેકિંગ થવા જઈ રહ્યું છે ત્યારે તમે આ દસ્તાવેજોને તમારા સ્માર્ટફોનમાથી સીધા ટ્રાફિક પોલીસને દેખાડી શકો છો કારણ સરકારી દસ્તાવેજ હોવાને કારણે આ ડોક્યુમેન્ટ સંપૂર્ણ રીતે માન્ય છે. આ સુવિધાને ઘણા લોકોની સમસ્યા ખતમ થઈ છે કારણ કે મોટાભાગના લોકો સ્માર્ટફોનને તો ન ભૂલી શકે. 

શું છે એપમાં સુરક્ષિત રાખવાની પ્રક્રિયા
જો તમે તમારા વાહનનો ડોક્યુમેન્ટ ડિજિલોકરમાં સુરક્ષિત રાખવા માગતા હોય તો તેને માટે જે પ્રક્રિયા છે તે ઘણી સરળ છે. 

• જારી કરાયેલા દસ્તાવેજો પર જાઓ અને રોડ ટ્રાન્સપોર્ટ અને હાઇવે મંત્રાલય શોધો અને ડ્રાઇવિંગ લાઇસન્સ પસંદ કરો. તમે તમારા સંબંધિત રાજ્યના પરિવહન વિભાગ વિભાગમાં પણ જઈ શકો છો અને ડ્રાઇવિંગ લાઇસન્સ પસંદ કરી શકો છો.
• તમારો આધાર ડેટા પહેલાથી જ લિંક થયેલો હોવાથી, તમારું નામ પહેલેથી જ દાખલ કરેલ છે તે બતાવવામાં આવશે.
• તમારા ડ્રાઇવિંગ લાયસન્સ મુજબ તમારો ડ્રાઇવિંગ લાઇસન્સ નંબર અને તમારા પિતા/પતિનું નામ દાખલ કરો. તમારા ડ્રાઇવિંગ લાયસન્સની વિગતો મેળવવા અને દસ્તાવેજ મેળવવા માટે Agree પર ક્લિક કરો.
• હવે તમારું ડ્રાઇવિંગ લાઇસન્સ દસ્તાવેજો જારી કરાયેલ વિભાગમાંથી ઍક્સેસ કરવા માટે તૈયાર છે.