ચુકાદો / પતિની સહમતીની કોઈ જરૂર નથી, કેરળ હાઇકોર્ટે અલગ થયેલી પત્નીને આપી ગર્ભપાતની મંજૂરી

• કેરળ હાઈકોર્ટનો મોટો ચુકાદો 
• મહિલાને આપી ગર્ભપાત કરાવવાની મંજૂરી 
• જાણો શું છે સમગ્ર મામલો 

કેરળ હાઈકોર્ટે મંગળવારે પોતાના પતિથી અલગ થવાનો દાવો કરનાર એક મહિલાને 21 અઠવાડિયાના ગર્ભનું ગર્ભપાત કરવાની પરવાનગી આપી દીધી છે. જજ વી.જી અરૂણે કહ્યું કે ગર્ભપાત માટે મેડિકલ ટર્મિનેશન ઓફ પ્રેગ્નેન્સી એક્ટ હેઠળ પતિની સહમતિ જરૂરી નથી. 

પતિ સાથે સારા નથી સંબંધ 
એમટીપી અધિનિયમ અનુસાર, 20 અને 24 સપ્તાહના ગર્ભની વચ્ચે ગર્ભપાતની પરવાનગી આપનાર કારકોમાંથી એક ચાલી રહેલી ગર્ભાવસ્થા વખતે વૈવાહિક સ્થિતિમાં ફેરફાર કરવામાં આવ્યો છે. કોર્ટે કહ્યું કે ભલે ગર્ભવતી મહિલા કાયદાના રૂપથી તલાકશુદા અથવા વિધવા ન હતી પરંતુ તેમના પતિ સાથે તેના સંબંધ સારા નથી. તેના વિરૂદ્ધ અપરાધી ફરિયાદો અને તથ્ય એ છે કે પતિ અને પત્ની એક સાથે ન રહેતા હોવા જોઈએ. તેણે સાથ યથાવત રાખવાની કોઈ ઈચ્છાનો સુજાવ નથી આપ્યો. આ તેના વૈવાહિક જીવનમાં ભારે પરિવર્તન છે.

દહેજની કરતા હતા માંગ 
અરજીકરનારે પોતાના પરિવારની મરજી વિરૂદ્ધ લગ્ન કર્યા હતા. જ્યારે તે સ્નાતકનો અભ્યાસ કરી રહી હતી અને શખ્સ બસ કંડક્ટર હતો. પરંતુ લગ્ન બાદ અરજીકરનારે આરોપ લગાવ્યો કે પતિ અને તેમની માતાએ દહેજની માંગની સાથે તેમની સાથે ખરાબ વ્યવહાર કર્યો. તેણે એ પણ આરોપ લગાવ્યો કે તેના પતિએ બાળકના પિતૃત્વ પર પણ સવાલ કર્યો અને આર્થિક અથવા ભાવનાત્મક સહાયતા આપવાનો ઈનકાર કરી દીધો. 

ડોક્ટરે ગર્ભપાત કરવાનો કર્યો હતો ઈનકાર 
મહિલા જ્યારે પોતાનો ગર્ભપાત કરાવવા માટે સ્થાનીક ક્લિનિકમાં ગઈ ત્યારે ડોર્ટરોએ તેનો ઈનકાર કરી દીધો કારણ કે તેની પાસે પતિથી અલગ થવાના/ ડિવોર્સના દસ્તાવેજ ન હતા. ત્યાર બાદ તેણે પોતાના પતિના વિરૂદ્ધ પોલીસ ફરિયાદ નોંધાવી હતી. જ્યારે તે ફરી ક્લિનિક ગઈ તો ડોક્ટરોએ એક વખત ફરી તેના ગર્ભપાત માટે ઈનકાર કરી દીધો અને તેને કોર્ટનો દરવાજો ખટખટાવવો પડ્યો.