કામની વાત / FASTagને વારેવારે રિચાર્જ કરવાની ઝંઝટ ખતમ! સરકાર લાવશે વન ટાઈમ પેમન્ટનો નવો નિયમ

કેન્દ્ર સરકાર હવે ફાસ્ટેગ અંગે એક નવો નિયમ લાવવાનું વિચારી રહી છે. આ નવા નિયમના લાગુ થવાથી હાઇવે અને એક્સપ્રેસ વે પર વાહનોની લાંબી કતારો નહીં લાગે અને ફાસ્ટેગ કાર્ડમાંથી વારંવાર પૈસા પણ નહીં કપાય. કેમ કે, સરકાર ખાનગી વાહનો માટે ટોલ પાસ રજૂ કરી શકે છે. આ ટોલ પાસના આગમનથી લોકો વર્ષમાં એકવાર માત્ર 3000 રૂપિયા ચૂકવીને ગમે ત્યાં મુસાફરી કરી શકશે. આ સિવાય સરકાર આજીવન પાસ લાવવાનું પણ વિચારી રહી છે.

• નિયમ શું હશે?
  ભારત સરકારે આખા વર્ષ માટે વન ટાઇમ પેમેન્ટ દ્વારા ટોલ પાસ બનાવવાનો પ્રસ્તાવ મૂક્યો છે. વર્ષમાં માત્ર 3000 રૂપિયા જમા કરાવી કોઈપણ રાષ્ટ્રીય ધોરીમાર્ગ અને એક્સપ્રેસ વે પર વાહન લેવા માટે કોઈ ટોલ ચૂકવવો નહીં પડે. જેનાથી ટોલ સસ્તો તો થશે જ સાથે ટોલ ગેટ પર અવરજવર પણ સરળ બનશે.

ભારત સરકાર ફક્ત એક વર્ષ માટે નહીં પરંતુ આજીવન ટોલ પાસ રજૂ કરવાનું પણ વિચારી રહી છે. જેમાં 30000 રૂપિયના વન ટાઇમ પેમેન્ટથી 15 વર્ષ માટે ટોલ પાસ બનશે. કેન્દ્ર સરકાર આ ટોલ પાસ નિયમથી ટોલ વસૂલાતને સરળ બનાવવા માંગે છે. આ સાથે આ નવા નિયમના અમલીકરણથી ટોલ બૂથ પર વાહનોની લાંબી લાઈનો પણ બંધ થઈ જશે.

• નીતિન ગડકરીએ આપી હતી માહિતી

માર્ગ અને પરિવહન મંત્રી નીતિન ગડકરીએ ગયા મહિને જણાવ્યું હતું કે સરકાર ખાનગી વાહનો પાસેથી ટોલ વસૂલવા માટે માસિક અને વાર્ષિક ટોલ પાસની સુવિધા પૂરી પાડી શકે છે. તેમને એમ પણ કહ્યું હતું કે કુલ ટોલ વસૂલાતના 26 ટકા પ્રાઇવેટ વાહનોમાંથી આવે છે. જ્યારે 74 ટકા ટોલ કલેક્શન કોમર્શિયલ વાહનો દ્વારા થાય છે.

વધુ વાંચો : ChatGPT-DeepSeekને લઇ મોટા સમાચાર, કેન્દ્ર સરકારે આપ્યો સખ્ત આદેશ, આપી ચેતવણી

જો સરકાર આ નિયમો લાગુ કરે છે તો FASTag એકાઉન્ટ હોલ્ડરને માસિક અને વાર્ષિક ટોલ પાસ યોજના મુજબ અનલિમિટેડ ઍક્સેસ મળી શકે છે, જેનાથી કોઈપણ રાષ્ટ્રીય ધોરીમાર્ગ અને એક્સપ્રેસવે પર રોક ટોક વગર વાહન ચલાવી શકાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ