સરકારે પોતે માહિતી આપી છે કે જો તમે કાર ચલાવતી વખતે મોબાઈલ ફોન પર વાત કરી રહ્યા હોવ તો ટ્રાફિક પોલીસ તમારું ચલાન નહીં કાપી શકે.જાણો શું કહે છે આખો નિયમ
કાર ચલાવતી વખતે ફોન ચલાવી શકાય?
કેન્દ્રીય મંત્રી નીતિન ગડકરીએ પોતે કહ્યું
હેન્ડ ફ્રી કમ્યુનિકેશન પર કોઈ દંડ નહીં
જો તમે કાર ચલાવતી વખતે મોબાઈલ ફોન પર વાત કરી રહ્યા હોવ તો ટ્રાફિક પોલીસ તમારું ચલાન નહીં કાપી શકે. સરકારે પોતે આ વિષે માહિતી આપી છે. જો કોઈ ટ્રાફિક પોલીસકર્મી તમારું ચલાન કાપે તો તમે તેને કોર્ટમાં લઈ જઇ શકો છો.
કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ કહ્યું હતું કે હાલ ટ્રાફિકના નિયમો અનુસાર કાર ચલાવતી વખતે જો કોઈ ડ્રાઈવર હેન્ડ ફ્રી કમ્યુનિકેશન કરે અને પોતાના ફોન પર વાત કરે તો તે દંડનીય અપરાધ નથી. આ માટે ડ્રાઈવર પર કોઈ પણ પ્રકારનો દંડ લગાવી શકાય નહીં.
નીતિન ગડકરીએ કહ્યું હતું કે આવો દંડ નહીં થઈ શકે
લોકસભામાં કેરળના એનારકુલમથી કોંગ્રેસ સાંસદ હીબી ઇડને સવાલ પૂછ્યો હતો કે મોટર વ્હીકલ એક્ટ 2019 ના સેકશન 184 (G) અનુસાર મોટર વાહનોમાં હેન્ડ ફ્રી કમ્યુનિકેશન ફીચર ઉપયોગ કરવા માટે કોઈ દંડની જોગવાઈ છે કે નહીં?
આ સવાલના જવાબમાં ગડકરીજીએ કહ્યું હતું કે આ એક્ટમાં મોટર વ્હીકલ ચલાવતી વખતે હેન્ડ હોલ્ડ કમ્યુનિકેશન ઉપકરણના ઉપયોગ પર દંડની જોગવાઈ છે. હેન્ડ ફરી કમ્યુનિકેશન ઉપકરણનાં ઉપયોગ પર કોઈ પ્રકારનો દંડ નથી.
હેલમેટ નહીં હોય તો ડ્રાઇવિંગ લાયસન્સ સસ્પેન્ડ
મોટર વ્હીકલ એક્ટ 2019 અનુસાર જો હેલમેટ નહીં પહેર્યું હોય તો 1000 રૂપિયાનો દંડ થઈ શકે છે અને આ સિવાય તમારું ડ્રાઇવિંગ લાયસન્સ પણ મોટર વ્હીકલ એક્ટની કલમ 194 C અનુસાર ત્રણ મહિનાના સમય માટે સસ્પેન્ડ કરવામાં આવી શકે છે.