BIG NEWS / માસ્ક ન પહેરશો, વેક્સિન લેવી હોય તો લેજો: યુરોપના અનેક દેશોમાં નિયમો છૂમંતર, કોરોનાને માની લીધો ફ્લૂ

• ભારતમાં કોરોના વાયરસના ત્રીજી લહેરની દહેશત 
• યુરોપના અનેક દેશોમાં અવળી ગંગા 
• સરકારોએ કહ્યું માસ્ક ના પહેરો, વેક્સિન લેવી હોય તો લો બાકી છૂટ 

અનેક દેશોમાં ચોંકાવનારો ટ્રેન્ડ! 
ભારત સહિત આખા વિશ્વમાં કોરોના વાયરસને લઈને સતત ચિંતા વધી રહી છે અને નવી લહેરના કારણે ફરીવાર આખા વિશ્વની જનતા ત્રાહિમામ પોકારી રહી છે ત્યારે દુનિયાભરમાં માસ્ક અને સોશ્યલ ડિસ્ટન્સની સાથે સાથે અનેલ પ્રતિબંધો લગાવી દેવામાં આવ્યા છે. જોકે અમુક દેશોમાં તો અવળી ગંગા વહી રહી છે. 

સ્પેને તો કહ્યું કોરોના એક ફ્લૂ છે, માસ્કનો નિયમ ગયો 
યુરોપના દેશ સ્પેને કોરોના વાયરસને એક ફ્લૂ માની લીધો છે અને કોરોના વાયરસની સાથે જીવવા માટે લોકોને અપીલ કરી છે. માસ્ક જ નહીં આ દેશમાં સરકારે એમ પણ કહી દીધું છે કે વેક્સિન નહીં લો તો પણ ચાલશે. સરકાર માની રહી છે કે ઓમિક્રૉનના કારણે કોરોના વાયરસ મહામારી હવે અંત તરફ આગળ વધશે અને કોરોના એન્ડેમિક બની ગયો છે. 

તમામ પ્રતિબંધો હટાવી દેવામાં આવ્યા
એક્સપર્ટ માની રહ્યા છે કે આ નવા વેરિયન્ટના કારણે લોકોને દાખલ થવાની જરૂર પડી રહી નથી અને સાથે જ મોતનો આંકડો પણ સાવ ઘટી ગયો છે. પ્રધાનમંત્રી પ્રેડોએ દેશમાંથી તમામ પ્રતિબંધોને હટાવી દીધા છે અને લોકોને સામન્ય જીવન જીવવા માટે અપીલ કરી છે. 

આયર્લેન્ડમાં વેક્સિનમાં છૂટ, ચેક રિપબ્લિકમાં પણ નિયમો હળવા થયા 
બીજી તરફ આયર્લેન્ડ દ્વારા સ્વૈચ્છિક વેક્સિનેશન લાવવામાં આવ્યું છે જેમાં લોકોને છૂટ છે કે વેક્સિન લેવી કે ન લેવી. અનેક પ્રતિબંધો હટાવી દેવામાં આવ્યા છે. ચેક રિપબ્લિક નામક દેશમાં આઇસોલેશન પિરિયડને ઘટાડીને પાંચ દિવસનો કરી દેવામાં આવ્યો છે. 

ડેન્માર્ક અને નેધરલેન્ડમાં માસ્ક અનિવાર્ય નહીં 
ડેન્માર્કમાં પણ માસ્કનો નિયમ જ હટાવી દેવામાં આવ્યો છે, નેધરલેન્ડ નામક દેશની સરકાર પણ કહી રહી છે કે હવે કશું માસ્ક પહેરવાની આવશ્યકતા નથી. 

બીજી તરફ WHOએ કોરોના વાયરસને લઈને સતત ચેતવણી આપી રહ્યું છે અને લોકોને કોરોના વાયરસથી બચવાના નિયમો પાળવા માટે અપીલ કરવામાં આવી રહી છે.