ટેક નૉલેજ / WhatsApp પર હવે નહીં કરી શકે કોઈ અજાણી વ્યક્તિ પરેશાન! કંપની કરી રહી છે આ નવા ફીચર પર કામ

• WhatsApp સમયાંતરે નવા ફીચર રજૂ કરતું રહે છે
• હાલ કંપની એક નવા બ્લોક શોર્ટકટ ફીચર પર કામ કરી રહી છે

આજકાલ લગભગ દરેક લોકો પાસે સ્માર્ટફોન હોય છે અને એ સ્માર્ટફોનમાંથી મેસેજ કે કોલ્સ કરવા માટે લગભગ દરેક લોકો વોટ્સએપનો ઉપયોગ કરે છે. એવામાં વોટ્સએપને વધુ સારું બનાવવા માટે કંપની થોડા થોડા સમયે નવા ફીચર્સ અપડેટ કરતી રહે છે. આ અપડેટેડ ફીચર્સનો હેતુ વોટ્સએપના યુઝર્સ માટે શ્રેષ્ઠ પ્લેટફોર્મ બનાવવાની સાથે સાથે વધુને વધુ યુઝર્સ સાથે કનેક્ટ કરવાનો હોય છે.  

WhatsApp તેના યુઝર્સનો અનુભવને સારો કરવા માટે સમયાંતરે નવી સુવિધાઓ રજૂ કરતી રહે છે, એવામાં હાલ એક રિપોર્ટ અનુસાર સામે આવ્યું છે કે કંપની એક નવા બ્લોક શોર્ટકટ ફીચર પર કામ કરી રહી છે. આ ફીચરને કારણે યુઝર્સને અજાણ્યા કે પરેશાન કરનાર લોકોથી રાહત મળશે. 

જણાવી દઈએ કે વોટ્સએપના આવનાર ફીચર્સ પર વિશેના એક રિપોર્ટમાં એવું કહેવામાં આવ્યું છે કે કંપની આ ફીચરને અલગ રીતે રજૂ કરવા પર કામ કરી રહી છે અને આ ફીચર ત્યારે જ એક્ટિવેટ થશે જ્યારે યુઝરને કોઈ અજાણ્યા કે અવિશ્વસનીય કોન્ટેક્ટ તરફથી WhatsAppમાં મેસેજ મળશે. જણાવી દઈએ કે આ ફીચર યુઝર્સનો ઘણો સમય બચાવશે અને રિપોર્ટ અનુસાર યૂઝર્સ ચેટ ખોલ્યા વગર જ અનવોન્ટેડ કોન્ટેક્ટ્સને બ્લોક કરી શકે છે.  જો કે ઘણી વખત એવું બની શકે છે કે યુઝર્સ ભૂલથી તેના જાણીતા કોન્ટેક્ટને બ્લોક કરી શકે છે. 

જણાવી દઈએ કે કંપની આગામી અપડેટ્સ સાથે આ નવો શોર્ટકટ રિલીઝ કરી શકે છે અને રિપોર્ટમાં એવું પણ કહેવામાં આવ્યું છે કે વોટ્સએપ એક એવા શોર્ટકટ પર કામ કરી રહ્યું હતું જેના દ્વારા કોઈપણ યુઝરને ચેટ લિસ્ટમાં જ ચેટ ઓપ્શનથી સરળતાથી બ્લોક કરી શકાશે. આ નવા ફીચરની મદદથી યુઝરને વોટ્સએપ નોટિફિકેશનમાં જ અજાણ્યા નંબરને બ્લોક કરવાનો વિકલ્પ મળશે અને આનાથી યુઝર્સને ઘણો ફાયદો થશે. નોંધનીય છે કે અત્યારે WhatsApp પર રિએક્શન ફીચરનો ઘણો ઉપયોગ થાય છે. આની મદદથી મેસેજ પર ટેપ કરીને રિએક્ટ કરી શકાય છે. 

વોટ્સએપનું નવું બ્લોક ફીચર હાલમાં ટેસ્ટિંગ તબક્કામાં છે.  જો કે એવું પણ શક્ય છે કે કંપની આ ફીચરને બહાર ન પણ પાડે કારણ કે ઘણી વખત કંપની ફીચરને ટેસ્ટ કર્યા પછી ઘણા ફીચર છોડી દે છે.