ગુજરાતને વિકાસ રાજ્યના મોડેલ તરીકે રજૂ કરાઈ રહ્યુ છે ત્યારે ગુજરાત સરકાર લાખો કરોડોના ઉત્સવો અને મેળાવળાઓમાં જે ખર્ચા કરે છે એને થોડાક પૈસા પણ જો પ્રાથમિક વિકાસના કામ માટે વાપરે તો કુપોષિત ગુજરાત કે દેવાદાર ગુજરાતના કલંકમાંથી બચી શકે. ખેડા જિલ્લામાં આવેલા એક ગામમાં પાકા રસ્તા, ગટર, લાઈટ, પીવાનું પાણી, ગેસ કનેકશન અને શાળા સપના સમાન છે. ત્યારે પ્રશ્ન થાય કે ક્યાં છે વિકાસ?
પ્રાથમિક સુવિધાને નામે મીંડુ
આરોગ્ય માટે કોઈ જ સુવિધા નથી
બાળકો માટે શાળા નથી, પાકા રસ્તા નથી
આઝાદી બાદ પણ આજે જ્યાં વિકાસ માત્ર સ્વપ્ન છે તેવું ગામ હજુ ગુજરાતમાં છે. લોકોને વીજળી, પાણી, ગટર અને રસ્તા વિના લોકો ચીમની યુગમાં જીવન જીવે છે. ખેડા જીલ્લાના ઠાસરા તાલુકાના સાઢેલીના નવી મુવાડી ગામની પરિસ્થિતિ દયનીય સ્થિતિ છે.
ક્યારે આવશે અજવાળુ
મુવાડીનો બે કિલોમીટર કદાવ - કીચડ વાળો રસ્તો છે અને કેરોસીનના ફાનસ થઇ રહ્યાં છે. આ અજવાળા વચ્ચે બાળકો અભ્યાસ કરે છે. અને શૌચાલયો નથી. જુના પ્રદુષિત કુવામાંથી પીવાનું પાણી કાઢી પીવે છે. આ ગામના લોકો માટે વિકાસ માત્ર સ્વપ્ન જ છે.
ગૃહિણીઓ હજુય ફુંકે છે ચુલા
ગેસના ચુલા ન હોવાથી લાકડા વીણીને ગૃહિણીઓ ચુલા ઉપર રસોઈ કરે છે. ગામની મહિલાઓને હજુ સુધી ગેસના ચૂલા જોયા જ નથી.
દવાખાના નથી કે નથી કોઈ સારવાર કેન્દ્ર
મરણ કે ઈમરજન્સીમાં ખાટલામાં ઉચકી ગામના લોકોએ સારવાર માટે જવું પડે છે. વિકાસ હજુ પણ નવી મુવાડી સુધી પહોચી નથી તે આપણા રાજ્ય માટે ખરેખર ખુબ દુખની વાત છે.