અમેરિકાએ વિદ્યાર્થીઓ અને કામદારો સહિત ઘણા વિઝા અરજદારો માટે આ વર્ષે 31 ડિસેમ્બર સુધી ભારતમાં તેના દૂતાવાસોમાં ઇન્ટરવ્યુ માટે રૂબરૂ હાજર રહેવાની અનિવાર્યતા હળવી કરી છે.
મિત્ર દેશ અમેરિકાએ ભારતીયોને આપ્યા ગૂડ ન્યૂઝ
દૂતાવાસોમાં ઇન્ટરવ્યુ માટે રૂબરૂ નહીં રહેવું પડશે
ભારતીય વિદ્યાર્થીઓ અને નાગરિકોને થશે લાભ
અમેરિકાના એક વરિષ્ઠ રાજદ્વારીએ ભારતીય સમુદાયના નેતાઓને આ માહિતી આપી. જે અરજદારોને મુક્તિ આપવામાં આવી છે તેમાં વિદ્યાર્થીઓ (F, M અને શૈક્ષણિક J વિઝા), કામદારો (H-1, H-2, H-3 અને વ્યક્તિગત L વિઝા), સંસ્કૃતિ અને અસાધારણ ક્ષમતા ધરાવતા લોકો (O, P અને Q વિઝા) નો સમાવેશ થાય છે.
અમેરિકન રાષ્ટ્રપતિનો મહત્વનો નિર્ણય
દક્ષિણ એશિયાના સમુદાયના નેતા અને યુએસ પ્રમુખ જો બાયડનના એશિયન અમેરિકનોના સલાહકાર અજય જૈન ભુટોરિયાએ દક્ષિણ મધ્ય એશિયાના સહાયક રાજ્ય સચિવ ડોનાલ લુ સાથે મુલાકાત કર્યા પછી જણાવ્યું હતું કે વિઝા અરજદારોને આ સમર્થનની ખૂબ જ જરૂર છે. તે અમારા મિત્રો અને નજીકના પરિવારના સભ્યો માટે ખૂબ જ મદદરૂપ થશે અને તેમની ઘણી ચિંતાઓ અને અસુવિધાઓ દૂર થશે.
20 હજારથી વધુ એપોઇન્ટમેન્ટ જાહેર
નવી દિલ્હીમાં યુએસ એમ્બેસીની વેબસાઈટ પર પ્રકાશિત એક નોટિસ અનુસાર, નવી દિલ્હીમાં અમેરિકી દૂતાવાસ અને ચેન્નાઈ, હૈદરાબાદ, કોલકાતા અને મુંબઈમાંના વાણિજ્ય દૂતાવાસની વેબસાઈટ પર પ્રકાશિત નોટિસ અનુસાર પાત્રતા ધરાવતા અરજદારોને ઇન્ટરવ્યૂ મુક્તિનો ઉપયોગ કરવાની મંજૂરી આપવા 2022 માટે 20,000 થી વધુ 'વધારાની છૂટ (ડ્રૉપબૉક્સ) એપોઇન્ટમેન્ટ' જાહેર કરવામાં આવી છે.