આંતરરાષ્ટ્રીય બજારમાં ક્રૂડ ઓઈલના ભાવમાં સતત ઘટાડો થઈ રહ્યો છે. ચીનમાં કોરોના વાયરસનાં પ્રકોપનાં કારણે પણ ઈંધણની માંગમાં ઘટાડો થયો છે. જેના કારણે ભાવ ઘટી રહ્યાં છે. ટ્રમ્પ ચૂંટણી જીતવા માટે ઓઈલના ભાવ પર નિયંત્રણ રાખશે.
ચીનમાં કોરોના વાયરસના પ્રકોપના કારણે ઈંધણની માંગ ઘટી
કોરોનાના કહેરના કારણે ચીનમાં ઉદ્યોગ-ધંધા ઠપ હોવાથી પરિવહન પર અસર પડી છે
ક્રૂડ ઓઈલની માગ ઘટતાં કિંમતો પર બની શકે છે દબાણ
ક્રૂડ ઓઈલની કિંમતો પર દબાણ વધી રહ્યું છે
ચીનમાં કોરોના વાયરસનો કહેર છે. જેના કારણે અત્યાર સુધી 1775 લોકોએ જીવ ગુમાવ્યા છે. જેના કારણે ચીનમાં પરિવહન વ્યવસ્થા અને ઉદ્યોગ-ધંધા પ્રભાવિત થયા છે. આ કારણોસર ચીનમાં ઈંધણની માગમાં ઘટાડો થયો છે. જેના કારણે ક્રૂડ ઓઈલની કિંમતો પર દબાણ વધી રહ્યું છે.
પેટ્રોલ-ડીઝલના ભાવમાં ઘટાડો થઈ શકે છે
ઘટતી કિંમતોના કારણે OPEC અને રશિયાએ પણ ઉત્પાદનમાં 6 લાખ બેરલ વધારાનો ઘટાડો કરવાના સંકેત આપ્યા છે. બીજી તરફ અમેરિકામાં રાષ્ટ્રપતિની ચૂંટણી નજીક આવી રહી છે. જેથી ટ્રમ્પ પણ નહીં ઈચ્છે કે ક્રૂડ ઓઈલના ભાવ વધે. કેમ કે ઓઈલના ભાવને નિયંત્રણમાં રાખનાર અમેરિકાની ચૂંટણી જીતી શકે છે. જેના કારણે આગામી દિવસોમાં પેટ્રોલ-ડીઝલના ભાવમાં ઘટાડો થઈ શકે છે.
4.35 લાખ બેરક ઘટી શકે છે
આંતરરાષ્ટ્રીય બજારમાં કાચા તેલનાં ભાવમાં ગત અઠવાડિયે તેજી આવી હતી પરંતુ કોરોના વાયરસના કારણે તેલની માંગણી નરમ રહેવાના કારણે કિંમતોમાં વધારાની આશા જોવા મળી રહી નથી. બીજી તરફ ઈન્ટરનેશનલ એનર્જી એજન્સી (IEA)નો અંદાજ છે કે આ વર્ષના પહેલા ભાગમાં ક્રુડ ઓઈલની વૈશ્વિક ખપત ગત વર્ષની સરખામણીએ 4.35 લાખ બેરક ઘટી શકે છે.