મહિલા શસક્તિકરણની દિશામાં એક મોટો નિર્ણય લેતા યુપીની યોગી આદિત્યનાથ સરકારે સવારના 6 અને સાંજના 7 પછી મહિલાઓને ડ્યુટી પર પ્રતિબંધ ફરમાવી દીધો છે.
મહિલા સશક્તિકરણ પર યુપી સરકારનો મોટો નિર્ણય
સવારના 6 અને સાંજના 7 પછી મહિલાઓને ડ્યુટી માટે ફરજ નહીં પાડી શકાય
આ સમય દરમિયાનની ડ્યુટી માટે મહિલાઓની લેવી પડશે સંમતિ
કામકાજી મહિલાઓને થશે મોટી રાહત
મહિલાઓ પાસેથી રાતની ડ્યુટી નહી લઈ શકાય
ઉત્તર પ્રદેશની યોગી આદિત્યનાથ સરકાર મહિલા સશક્તિકરણ માટે પ્રયત્નશીલ છે. સરકારે પણ મહિલા કામદારોના હિતમાં મોટો નિર્ણય લીધો છે. સરકાર દ્વારા બહાર પાડવામાં આવેલા એક નોટિફિકેશનમાં એવું જણાવાયું છે કે મહિલાઓની લેખિત સંમતિ લીધા વગર તેમને સવારે 6 વાગ્યા પહેલા અને સાંજે 7 વાગ્યા પછી કામ કરવાની ફરજ નહીં પાડી શકાય. આ જાહેરાત બાદ હવે મહિલાઓની નાઇટ શિફ્ટ પૂરી થઇ ગઇ છે. આ નિયમ સરકારી અને ખાનગી ક્ષેત્ર બંને પર લાગુ થશે.
Uttar Pradesh | No female worker shall be bound to work without her written consent before 6am & after 7pm; to also be provided free transportation, food & sufficient supervision, if working during the aforementioned hours: Govt pic.twitter.com/b6cSOXnJm3
મહિલાઓને ભાડા અને ભોજન ખર્ચ પુરો પાડવો પડશે
યોગી સરકારે તેના આદેશમાં એવું પણ જણાવ્યું છે કે જો કોઈ સંસ્થા કે ઓફિસ મહિલાઓને નાઈટ શિફ્ટ માટે બોલાવે તો તેમને ભાડા અને ભોજન ખર્ચ પુરો પાડવો પડશે તેમજ તેમની સુરક્ષા સુનિશ્ચિત કરવી પડશે.
રાતની ડ્યુટી માટે મહિલાઓની લેખિત સંમતિ લેવી જરુરી
યુપી સરકાર દ્વારા જારી થયેલા આદેશમાં એવું પણ જણાવાયું છે કે જો કોઇ કારણસર કોઇ મહિલા કર્મચારીની ડ્યૂટી સાંજે 7 વાગ્યાથી સવારે 6 વાગ્યા દરમિયાન લેવી જરુરી હોય તો તેના માટે લેખિત મંજૂરી લેવી પડશે. એટલે કે જો મહિલાને તેની સંમતિ વગર રાતના સમયે ફરજ પર મૂકવામાં આવશે તો સીધી કાર્યવાહી થશે. જો કોઈ મહિલા સાંજે 7.m પછી કામ કરવાની ના પાડે છે, તો કંપની અથવા સંસ્થા તેને નોકરીમાંથી કાઢી શકશે નહીં.
નિયમો તોડવાનો અર્થ મજૂર કાયદાઓનું ઉલ્લંઘન, દંડથી લઈને જેલ સુધી
એડિશનલ ચીફ સેક્રેટરી લેબર સુરેશ ચંદ્રાએ જણાવ્યું હતું કે, લેખિત સંમતિ બાદ મહિલા સાંજે 7 વાગ્યાથી સવારે 6 વાગ્યા સુધી કામ કરી શકે છે. તે સમય દરમિયાન, કંપની અથવા સંસ્થાએ ઘરેથી ઓફિસ અને ઓફિસથી ઘરે ફ્રી કેબની સુવિધા આપવી પડશે. જો કોઈ કંપની આવું નહીં કરે તો તેને શ્રમ કાયદાનું ઉલ્લંઘન માનવામાં આવશે. તેમાં દંડથી લઈને જેલ સુધીની સજા થઈ શકે છે. તેમણે એમ પણ કહ્યું હતું કે, આ આદેશનો તમામ જિલ્લાઓમાં કડક અમલ કરવાનો આદેશ આપવામાં આવ્યો છે.
પ્રાઈવેટ સેક્ટરમાં કામ કરતી મહિલાઓને મોટી રાહત
યુપી સરકારના આ નિર્ણયથી સૌથી વધારે રાહત પ્રાઈવેટ સેક્ટર, કોલ સેન્ટર, હોટલ ઈન્ડસ્ટ્રી અને રેસ્ટોરન્ટમાં કામ કરનારી મહિલાઓને થશે.