ચેતો / 6 દિવસમાં કરી લેજો ટેક્સથી જોડાયેલું આ કામ, નહીંતર ચૂકવવો પડશે 10,000 રૂપિયા દંડ

• 31 ડિસેમ્બર પહેલાં કરી લો આ કામ
• ઈન્કમ ટેક્સ રિટર્ન ફાઈલ કરી દો
• ટેક્સ ભરનાર વ્યક્તિ પર કોઈ કાર્યવાહી નહીં થાય

31 ડિસેમ્બર સુધી જો તમને ઈન્કમ ટેક્સ રિટર્ન ફાઈલ નથી કર્યું તો તમારે 10 હજાર રૂપિયા દંડ ભરવો પડી શકે છે. આ પહેલાં ઈન્કમ ટેક્સ ભરવાની છેલ્લી તારીખ 31 ઓગસ્ટ હતી. પણ જે લોકો 31 ઓગસ્ટે આઈટીઆર ફાઈલ નથી કરી શક્યા તેમને 5 હજાર રૂપિયા દંડની સાથે 31 ડિસેમ્બર સુધી રિટર્ન ભરવાની તક આપી હતી. જ્યારે 31 ડિસેમ્બર, 2019 પછી માત્ર 31 માર્ચ, 2020 પહેલાં રિટર્ન ફાઈલ કરવા પર 10,000 રૂપિયા દંડ આપવું પડશે. 

જોકે, તમારી વાર્ષિક ઈન્કમ ટેક્સેબલ લિમિટથી ઓછી છે તો લેટ રિટર્ન ફાઈલ કરવા પર કોઈ ચાર્જ ચૂકવવો નહીં પડે. જ્યારે જે લોકોની કુલ વાર્ષિક ઈન્કમ 5 લાખ રૂપિયાથી વધારે નથી, તેમને 1,000 રૂપિયા લેટ ફી ચૂકવવી પડશે. 

મોદી સરકારની સબકા વિશ્વાસ યોજનાની ડેડલાઈન 31 ડિસેમ્બર છે. આ યોજના હેઠળ જે લોકોને ટેક્સ ભરવાનો બાકી હોય તેમને ટેક્સમાં છૂટ આપીને ટેક્સ સંબંધી વિવાદને સમાપ્ત કરવાનો હતો. 

સરળ ભાષામાં કહીએ તો, જે લોકો સર્વિસ ટેક્સ અને સેન્ટ્રલ એક્સાઈઝને લગતા ટેક્સ વિવાદથી જોડાયેલા છે, એવા લોકોના સમાધાન માટે સરકારે આ યોજનાની શરૂઆત કરી હતી. ઉલ્લેખનીય છે કે, નાણાં પ્રધાન નિર્મલા સીતારામણે આ યોજનાની જાહેરાત 2019ના સામાન્ય બજેટમાં કરી હતી. આ યોજના 1 સપ્ટેમ્બર 2019થી લાગુ કરવામાં આવી હતી.આ યોજના હેઠળ સ્વૈચ્છિક રીતે જાહેર થયેલા કેસો સિવાય 40થી 70 ટકા કેસોમાં રાહત મળે છે. આ રાહત બાકી રહેલી ટેક્સની રકમ પર આધારિત છે. આ યોજના હેઠળ બાકીના ટેક્સ પણ વ્યાજ અને દંડમાં રાહતની સુવિધા પણ આપવામાં આવી રહી છે. આ સાથે જ ચુકવણી કરનાર વ્યક્તિ વિરુદ્ધ કોઈ કાર્યવાહી પણ કરવામાં નહીં આવે.