આધાર કાર્ડનો ઉપયોગ ખૂબ જ મહત્વપૂર્ણ પ્રૂફ ડોક્યુમેન્ટ તરીકે થાય છે. કોઈપણ સરકારી યોજનાનો લાભ લેવા માટે આધાર આવશ્યક છે. જેથી આધારમાં સાચી માહિતી હોવી ખૂબ જ જરૂરી છે. ઘણી વખત અજાણતા આધારમાં ભૂલો થઈ જાય છે. જોકે, ઘણાં એવા અપડેટ્સ હોય છે જેના માટે ડોક્યૂમેન્ટ્સની જરૂર પડે છે અને ઘણાં એવા પણ અપડેટ્સ હોય છે જેમાં કોઈ ડોક્યૂમેન્ટ્સની જરૂર પડતી નથી. તેના માટે તમારે બસ નજીકના આધાર કેન્દ્ર પર જવું પડે છે.
આધારમાં સાચી માહિતી હોવી જરૂરી છે
તમે કોઈ ડોક્યૂમેન્ટ્સ વિના પર આધારમાં ફેરફાર કરાવી શકો છો
જો તમારે ફોટોગ્રાફ, બાયોમેટ્રિક્સ, લિંગ, મોબાઈલ નંબર, ઇમેલ આઈડી અપડેટ કરવી હોય તો તમારે આ માટે કોઈ પણ પ્રકારના ડોક્યૂમેન્ટ્સ આપવાની જરૂર નથી. આ માટે આધારની કોપી લઈને નજીકના આધાર કેન્દ્ર જતા રહો અને તમારી જરૂર મુજબ આધારમાં અપડેટ કરાવી લો. UIDAIએ ટ્વીટ કરીને આ જાણકારી આપી છે.
તમને જણાવી દઈએ કે UIDAI દ્વારા જારી કરાયેલા 12 આંકડાનો યૂનિક નંબર એક વેલિડ પ્રૂફ તરીકે પણ કામ કરે છએ અને સરકારી સબ્સિડીનો લાભ લેવા માટે એક જરૂરી ડોક્યૂમેન્ટ છે. આધારમાં કેટલાક ફેરફાર કરાવવા માટે સંબંધિત ડોક્યૂમેન્ટ્સની જરૂર પડે છે. જો તમે તમારા આધારમાં નામ, એડ્રેસ અને તમારી ડેટ ઓફ બર્થ અપડેટ કરાવવા માંગો છો તો તેના માટે તમારે તમારા વેલિડ ડોક્યૂમેન્ટ્સ આપવા પડશે. તેના વિના આધારમાં અપડેટ નહીં થાય.
આધાર સેવા કેન્દ્ર પર મળે છે આ સર્વિસ
આધાર આધાર કેન્દ્રોમાં નવા આધાર નોંધણી, નામમાં ફેરફાર, એડ્ર્સેમાં ફેરફાર, મોબાઇલ નંબર અપડેટ, ઇમેઇ આઈડી અપડેટ, જન્મ તારીખ, લિંગ અપડેટ, બાયોમેટ્રિક અપડેટ વગેરે સેવાઓ ઉપલબ્ધ છે.