કેન્દ્રીય નાણા મંત્રાલયે જે 28 રાજ્યો માટે સહાય જાહેર કરી છે તેમાં બિહાર બીજા ક્રમે છે. બિહારને કેન્દ્ર તરફથી 11, 734 કરોડની રકમ મળી છે.
બિહારમાં હવે ભાજપનીં નહીં જેડીયુ-આરજેડીની સરકાર
છતા પણ કેન્દ્ર સરકારે બિહારને આપી 11, 734 કરોડની રકમ
સરકારે 28 રાજ્યો માટે જાહેર કરી 1,16,665 કરોડની ગ્રાન્ટ
બિહારમાં હવે નીતિશ કુમારે ભાજપ સાથેનું ગઠબંધન તોડીને આરજેડી- કોંગ્રેસ સાથે મળીને સરકાર રચી છે. નવી સરકારની રચના થઈ હોવા છતાં પણ કેન્દ્ર સરકારે બિહાર સાથે કોઈ ભેદભાવ કર્યો ન હોવાનું નાણા મંત્રાલયની એક યાદી પરથી જોઈ શકાય છે.
કેન્દ્ર સરકારે બિહાર માટે 11, 734 કરોડની રકમ જાહેર કરી
નાણા મંત્રાલય દ્વારા બહાર પાડવામાં આવેલી યાદી અનુસાર, કેન્દ્ર સરકારે બિહાર માટે 11, 734 કરોડની રકમ જાહેર કરી છે. કુલ 28 રાજ્યો માટેની સહાય જાહેર કરવામાં આવી છે.
Union govt released 2 installments of tax devolution to state govts amounting to Rs 1,16,665 cr, as against monthly devolution of Rs 58,332 cr. It's in line with GoI's commitment to strengthen hands of states to accelerate their capital&developmental expenditure: Finance ministry pic.twitter.com/14N3UqD1IR
શું કહ્યું નાણા મંત્રાલયે
કેન્દ્રીય નાણામંત્રાલય દ્વારા એવું જણાવાયું છે કે સરકારે રાજ્યોને બે હપ્તામાં 1,16,665 કરોડની રકમ રિલિઝ કરી છે. મંત્રાલયે કહ્યું કે નાણાકીય રીતે રાજ્યોના હાથ મજબૂત બનાવવા માટે તથા તેઓ વિકાસલક્ષી કામો માટે મૂડીખર્ચ કાઢી શકે તે માટે પૈસા અપાયા છે. રાજ્યો આર્થિક રીતે મજબૂત બને તેવી કેન્દ્ર સરકારની પ્રતિબદ્ધતા છે.
યુપી માટે જાહેર કરાઈ 20,000 કરોડથી વધુની સહાય
કેન્દ્ર સરકારે સૌથી વધારે સહાય યુપીને આપી છે. બહાર પાડવામાં આવેલી યાદી અનુસાર, કેન્દ્ર સરકારે યુપીને 20,928 કરોડની રકમ આપી છે. ત્યાર બાદ બીજો નંબર બિહારનો આવે છે જેને માટે કેન્દ્ર સરકારે 11,000 કરોડથી વધુની રકમ જારી કરી છે.
8મી વાર મુખ્યમંત્રી બન્યા નીતિશ કુમાર
ઉલ્લેખનીય છે કે નીતિશ કુમારે 8મી વાર બિહારના મુખ્યમંત્રી પદના શપથ લીધા છે. આ વખતે તેમણે ભાજપને પડતો મૂકીને આરજેડી અને કોંગ્રેસ સાથે મળીને સરકાર બનાવી છે.